Mo Ha Nɛ O Dɛ He Ní Kasemi Nɛ Nu Tso

NƆ́ HE JE NƐ E HE HIA: Dɛ he ní kasemi yeɔ bua wɔ nɛ wa nuɔ Mawu Munyu ɔ mi “blimi kɛ e kami kɛ e hiɔwe yami kɛ e mi kuɔmi ɔ tsuo sisi saminya.” (Efe 3:18) Jehanɛ se hu ɔ, e yeɔ bua wɔ nɛ wa hiɔ si kaa nihi nɛ piami ko loo mu ko be a he ngɛ je nɛ ní yayamihi hyi lɛ tɔ nɛ ɔ mi, konɛ waa ya nɔ nɛ waa “pɛtɛ wami munyu ɔ he wawɛɛ.” (Flp 2:15, 16) Mawu Munyu ɔ nɛ wa maa kase ngɛ wa dɛ he ɔ ma ha nɛ wa ná he blɔ kɛ hla munyu nɛ ke wa kase ɔ, e maa ye bua wɔ nitsɛmɛ. Mɛni wa ma nyɛ maa pee konɛ wa ná Baiblo ɔ kanemi kɛ e kasemi he se?

BƆ NƐ O MAA PEE LƐ HA:

• Mo kadi ngmami komɛ, nɛ o ngma níhi nɛ o kase ɔmɛ ngɛ o ní kasemi Baiblo ɔ mi

• Ke o ngɛ Mawu Munyu ɔ kanee ɔ, mo bi o he sane nɛ ɔmɛ: ‘Mɛnɔ? Mɛni? Mɛni Be? Jije? Mɛni He Je? Mɛni Blɔ Nɔ?’

• Moo le sane ɔ mi. Moo pee níhi a mi hlami kɛ kɔ munyuhi aloo ngmamihi nɛ kɔɔ sane ɔ he

• Mo pue o yi mi tɛ ngɛ nɔ́ nɛ o kane ɔ he nɛ o susu bɔ nɛ sane ɔ kɔɔ o he ha a he

• Ngɔɔ níhi nɛ o kaseɔ ɔ kɛ tsu ní be fɛɛ be ngɛ o si himi mi.​—Luk 6:47, 48

NYƐƐ HYƐ VIDEO NƐ JI “PƐTƐ WAMI MUNYU Ɔ HE WAWƐƐ”​—KƐ GU DƐ HE NÍ KASEMI NƐ NUU TSO NƆ, LƆ Ɔ SE Ɔ, NYƐ HA SANE BIMIHI NƐ NYƐƐ SE ƆMƐ A HETO:

• Mɛni nɛ ni komɛ de ngɛ dɛ he ní kasemi he?

• Mɛni he je nɛ e sa kaa waa sɔle be fɛɛ be loko waa pee dɛ he ní kasemi ɔ?

• Mɛni ma nyɛ maa ye bua wɔ konɛ waa nu ngmami ko sisi saminya?

• Mɛni kadimi ní slɔɔtohi waa kɛ ma nyɛ ma kadi níhi ngɛ wa ní kasemi Baiblo ɔ mi?

• Mɛni he je nɛ ke wa ngɛ Mawu Munyu ɔ kasee ɔ, e he hia nɛ wa pue wa yi mi tɛ ɔ?

• Mɛni e sa kaa waa ngɔ níhi nɛ wa kase ɔ kɛ pee?