Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi ngɛ blɔ nya tomi ko nɛ maa ye bua mo nɛ o kɛ kase Baiblo ɔ. Wa Baiblo kasemi blɔ nya tomi ɔ maa ye bua mo:
Konɛ o ná si himi nɛ ngɛ bua jɔmi
Konɛ o ba pee Mawu huɛ
Konɛ o kase Baiblo mi si womihi nɛ kɔɔ hwɔɔ se he ɔ he ní
Munyuhi nɛ ngɛ hiɛ ɔ
Be enyɛmɛ e ma he mi loko ma gbe Baiblo mi ní kasemi ɔ tsuo nya?
Ke i kplɛɛ kaa a kɛ mi nɛ kase Baiblo ɔ, anɛ a maa nyɛ ye nɔ kaa ma ba pee Yehowa Odasefo no lo?
Ma nyɛ ma fɔ ni kpahi nine nɛ a ba piɛɛ ye he kɛ kase ní ɔ lo?
Ke Yehowa Odasefohi kɛ mi kase Baiblo ɔ be ko nɛ be ɔ, anɛ a kɛ mi ma nyɛ maa kase ní ekohu lo?
Anɛ nyɛ ngɛ blɔ nya tomi ko kɛ ha Baiblo ɔ kasemi nɛ pi kaa nɔ ko lɛ maa tsɔɔ mi ní lo?
Kɛ wa peeɔ Baiblo mi ní kasemi ha kɛɛ?
Yehowa Odasefo ɔmɛ a kpɛti nɔ kake maa ye bua mo konɛ o nu Baiblo ɔ sisi. E kɛ mo ma susu munyuyihi nɛ ngɛ Baiblo ɔ mi ɔ a he kakaaka. Womi nɛ ji O Ma Nyɛ Ma Ná Bua Jɔmi Kɛ Ya Neneene! ɔ nɛ a kɛ mo maa kase ɔ ma ha nɛ o nu Baiblo ɔ sisi bɔɔbɔɔbɔɔ, nɛ o maa na bɔ nɛ Baiblo ɔ ma nyɛ maa ye bua mo ha ngɛ o si himi mi. Moo hyɛ video nɛ ɔ konɛ o le níhi fuu kɛ kɔ ni kasemi ɔ he.
Anɛ ma wo ní kasemi ɔ he hiɔ lo?
Dɛbi. Yehowa Odasefohi nyɛɛɔ blɔ tsɔɔmi nɛ Yesu kɛ ha e kaseli ɔmɛ ɔ se. E de ke: “Nyɛ ná lɛ yaka gu, nyɛɛ ngɔ kɛ ha yaka gu.” (Mateo 10:8) Jehanɛ hu ɔ, a he we sika ngɛ Baiblo ɔ kɛ womi nɛ ji O Ma Nyɛ Ma Ná Bua Jɔmi Kɛ Ya Neneene! ɔ nɛ nyɛɛ kɛ maa kase ní ɔ he.
Be enyɛmɛ e ma he mi loko ma gbe Baiblo mi ní kasemi ɔ tsuo nya?
Ní kasemi kakaaka 60 lɛ ngɛ nɔ́ nɛ a kɛ mo maa kase ɔ mi. Be nɛ e ma he mo loko o maa gbe ní kasemi ɔ tsuo nya a daa si ngɛ o nɔ. Se nihi fuu suɔ kaa a maa gbe ní kasemi kake loo nɔ́ nɛ hiɛ pe jã a nya daa otsi.
Kɛ ma plɛ kɛ je sisi ha kɛɛ?
1. Moo ngma kɛ bi ngɛ wa wɛbsaiti ɔ nɔ. Ke o ngma o he sanehi kɛ mane wɔ ɔ, nɔ́ pɛ nɛ waa kɛ maa pee ji kaa, wa maa to blɔ nya konɛ Yehowa Odasefo no ko kɛ mo nɛ kase Baiblo ɔ kaa bɔ nɛ o ngma kɛ bi ɔ.
2. Tsɔɔlɔ ko maa fia mo. Nɔ nɛ e kɛ mo maa kase ní ɔ maa tsɔɔ mo bɔ nɛ Baiblo mi ní kasemi ɔ maa ya lɛ ha, nɛ ke o ngɛ sane bimihi hu ɔ, e ma ha mo a heto.
3. O kɛ tsɔɔlɔ ɔ lɛ maa to blɔ nya kɛ ha ní kasemi ɔ. Nyɛ ma nyɛ maa kpe kɛ kase ní ɔ, aloo nyɛ ma nyɛ maa kase ní ɔ ngɛ tɛlifoo aloo video nɔ, aloo nyɛ ma nyɛ maa kase ní kɛ gu sɛ womi ngmami aloo email nɔ. Behi fuu ɔ, ní kasemi ɔ eko fɛɛ eko heɔ maa pee ngmlɛfia kake, se o si fɔfɔɛ lɛ maa tsɔɔ kaa e be jã sue, aloo e maa be jã.
Anɛ ma nyɛ ma ka nɛ ma hyɛ kekle lo?
Ee. Moo ngma kɛ bi ngɛ wa wɛbsaiti ɔ nɔ, nɛ wa ma ha nɛ Odasefo no ko nɛ fia mo. Ke e fia mo ɔ, ha nɛ e le kaa o suɔ nɛ o ka bɔ nɛ ní kasemi ɔ ngɛ ha nɛ o hyɛ kaa o bua maa jɔ he lo. E kɛ mo maa kase O Ma Nyɛ Ma Ná Bua Jɔmi Kɛ Ya Neneene! womiyo ɔ nɛ ní kasemi etɛ pɛ lɛ ngɛ mi ɔ, konɛ o hyɛ kaa o bua maa jɔ he lo?
Ke i kplɛɛ kaa a kɛ mi nɛ kase Baiblo ɔ, anɛ a maa nyɛ ye nɔ kaa ma ba pee Yehowa Odasefo no lo?
Dɛbi. Yehowa Odasefohi suɔ kaa a kɛ nihi maa kase Baiblo ɔ, se wa nyɛ we nɔ ko nɔ kaa e ba sɛ wa jami ɔ mi. Mohu ɔ, wa jeɔ bumi mi nɛ wa tsɔɔ nihi nɔ́ nɛ Baiblo ɔ de ɔ, be mi nɛ e hiɔ wa juɛmi mi kaa nɔ fɛɛ nɔ ngɛ he blɔ nɛ e hlaa níhi nɛ e suɔ kaa e ma he ye.—1 Petro 3:15.
Ma nyɛ ma ngɔ imi nitsɛ ye Baiblo kɛ kase ní ɔ lo?
Ee, o ma nyɛ maa ngɔ Baiblo sisi tsɔɔmi fɛɛ ko nɛ o suɔ kɛ kase ní ɔ. E ngɛ mi kaa wa bua jɔ New World Translation of the Holy Scriptures ɔ kɛ ní kasemi he akɛnɛ e sisi numi yi nɛ́ e da a he je mohu lɛɛ, se wa nu sisi hu kaa nihi babauu suɔ nɛ a kɛ sisi tsɔɔmi kpahi nɛ ngɛ a dɛ momo ɔ nɛ tsu ní.
Ma nyɛ ma fɔ ni kpahi nine nɛ a ba piɛɛ ye he kɛ kase ní ɔ lo?
Ee. O ma nyɛ ma tsɛ o weku ɔ tsuo, aloo o huɛmɛ nɛ a ba piɛɛ o he.
Ke Yehowa Odasefohi kɛ mi kase Baiblo ɔ be ko nɛ be ɔ, anɛ a kɛ mi ma nyɛ maa kase ní ekohu lo?
Ee. Ngɛ anɔkuale mi ɔ, o bua maa jɔ ní nɛ a kɛ mo maa kase amlɔ nɛ ɔ he wawɛɛ, ejakaa a tsake ní kasemi ɔ hɛ mi konɛ e kɛ nihi a si fɔfɔɛ ngɛ je ɔ mi mwɔnɛ ɔ nɛ kɔ. Bɔ nɛ a to ní kasemi ɔ he blɔ nya ha amlɔ nɛ ɔ ya hɛ mi pe nɔ́ nɛ be ɔ, ejakaa a to fonihi kɛ videohi fuu a he blɔ nya ngɛ mi, nɛ ní kasemi ɔ maa pee ní sɛɛmi hulɔ.
Anɛ nyɛ ngɛ blɔ nya tomi ko kɛ ha Baiblo ɔ kasemi nɛ pi kaa nɔ ko lɛ maa tsɔɔ mi ní lo?
Ee. E ngɛ mi kaa ngɛ nihi hiɛhiɛɛ a blɔ fa mi ɔ, ke tsɔɔlɔ ko ye bua mɛ ɔ, a náa ní kasemi ɔ he se wawɛɛ mohu lɛɛ, se ni komɛ hu suɔ kaa a maa kase ní ɔ ngɛ a dɛ he kekle. Ke o ya Baiblo Kasemi Níhi blɔ he ɔ, o maa na níhi nɛ maa ye bua mo ngɛ o Baiblo mi ní kasemi ɔ mi. Ekomɛ ji:
Baiblo Tsɔɔmihi A He Videohi. Video kpiti nɛ ɔmɛ tsɔɔ Baiblo tsɔɔmihi nɛ a he hia a mi.
Baiblo Mi Sane Bimihi Nɛ A Ha Heto. Munyu nɛ ɔmɛ haa Baiblo mi sane bimi slɔɔtohi a heto.