Mɛni He Je Nɛ Yehowa Tsake Abram Kɛ Sarai A Biɛ ɔ?

17:1, 3-5, 15, 16

Yehowa na Abram kaa nɔ ko nɛ piami ko be e he. Benɛ e de Abram níhi fuu kɛ kɔ si nɛ e wo lɛ ɔ he ɔ, e ha Abram kɛ Sarai biɛ nɛ́ tsɔɔ níhi nɛ maa ba hwɔɔ se.

Kaa bɔ nɛ biɛ nɛ a ha mɛ ɔ tsɔɔ ɔ, Abraham ba pee je mahi babauu a tsɛ, nɛ Sara hu ba pee matsɛmɛ a nyɛ.

• 

  Abraham

  Je Mahi Babauu A Tsɛ

• 

  Sara

  Matsɛmɛ A Nyɛ

Wa be nyɛe maa tsɔɔ biɛ nɛ a kɛ tsɛ wɔ ke a fɔ wɔ. Se kaa bɔ nɛ Abraham kɛ Sara pee ɔ, wɔ hu wa ma nyɛ maa pee níhi nɛ ma ha nɛ wa ná biɛ kpakpa. Mo bi o he ke:

• ‘Mɛni ma pee konɛ Yehowa nɛ na mi kaa nɔ ko nɛ piami ko be e he?’

• ‘Mɛni biɛ lɛ i ngɛ náe ngɛ Yehowa hɛ mi?’