Wa Tsɔɔ Kaa Wa Ngɛ Suɔmi Ke Wa Fĩ Blɔ Nɔ Nɛ Yehowa Guɔ Kɛ Tsɔseɔ E We Bi ɔ Se

Ke a fiee nɔ ko ngɛ asafo ɔ mi ɔ, lɔ ɔ poɔ asafo ɔ he piɛ, nɛ e tsɔseɔ yayami peelɔ nɛ tsakee we e tsui ɔ. (1Ko 5:6, 11) Ke wa fĩ tsɔsemi nɛ ɔ nɛ Yehowa kɛ haa a se ɔ, lɔ ɔ tsɔɔ kaa wa ngɛ suɔmi. Mɛni tsɔɔ kaa ke a fiee nɔ ko ɔ lɔ ɔ tsɔɔ suɔmi, be mi nɛ enɛ ɔ haoɔ nɔ ɔ weku li, kɛ sane yemi ajla toli ɔmɛ kɛ ni kpahi ɔ?

Tsɔsemi nɛ ɔ se nɛ wa fĩɔ ɔ tsɔɔ kaa wa suɔ Yehowa biɛ ɔ kɛ e mlaa nɛ kɔɔ klɔuklɔu peemi he ɔ. (1Pe 1:14-16) Lɔ ɔ hu tsɔɔ kaa wa suɔ nɔ nɛ a fiee lɛ ɔ. E ngɛ mi kaa tsɔsemi nɛ ɔ mi wa nɛ e yeɔ nɔ mohu lɛɛ, se e ma nyɛ maa ‘wo tue mi jɔmi yiblii nɛ ji dami.’ (Heb 12:5, 6, 11) Ke waa kɛ nihi nɛ a fiee mɛ loo nihi nɛ a kɛ asafo ɔ kpa bɔmi ɔ bɔɔ ɔ, lɔ ɔ tsɔɔ kaa wa ngɛ Yehowa tsɔsemi ɔ nya tsie. Mo kai kaa Yehowa tsɔseɔ e we bi “bɔ nɛ sa.” (Yer 30:11) Be mi nɛ wa ngɛ blɔ hyɛe kaa nɔ nɛ a fiee lɛ ɔ maa kpale kɛ ba wa Tsɛ nɛ naa nɔ mɔbɔ ɔ ngɔ ɔ, wa yaa nɔ nɛ wa fĩɔ Yehowa tsɔsemi blɔ nya tomi nɛ ɔ se, nɛ wa peeɔ níhi nɛ ma ha nɛ huɛ bɔmi nɛ ngɛ waa kɛ Yehowa wa kpɛti ɔ mi maa wa be fɛɛ be.​—Yes 1:16-18; 55:7.

NYƐƐ HYƐ VIDEO NƐ JI, YAA NƆ NƐ O YE YEHOWA ANƆKUALE KƐ O TSUI TSUO, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Ke fɔli nɛ a ji Kristofohi ɔ a bi ko kpa Yehowa sɔmɔmi ɔ, kɛ a nuɔ he ha kɛɛ?

• 

  Mɛni asafo ɔ ma nyɛ maa pee kɛ ye bua weku mi bimɛ nɛ a yeɔ anɔkuale ɔ?

• 

  Mɛni Baiblo mi sane lɛ tsɔɔ kaa anɔkuale nɛ wa maa ye Yehowa a he hia wawɛɛ pe anɔkuale nɛ wa maa ye wa weku ɔ?

• 

  Mɛni wa maa pee kɛ tsɔɔ kaa anɔkuale nɛ wa maa ye Yehowa a he hia wɔ pe anɔkuale nɛ wa maa ye wa weku ɔ?