Mo Bi Sanehi

Yehowa nɛ ji “bua jɔmi Mawu ɔ” suɔ kaa wa bua nɛ jɔ fiɛɛmi ní tsumi ɔ he. (1Ti 1:11) Ke wa bɔ mɔde kaa wa ma ha nɛ wa ní tsɔɔmi nɛ nu tso ɔ, wa ma ná bua jɔmi babauu. Sane bimihi ma nyɛ ma tle nihi a bua jɔmi si, nɛ e yeɔ bua nɛ waa kɛ nihi nyɛɔ jeɔ ní sɛɛmi sisi. Sane bimi haa nɛ nihi susuɔ a yi mi nɛ e haa nɛ a susuɔ níhi a he hulɔ. (Mat 22:41-45) Ke wa bi nɔ ko sane nɛ wa bu heto nɛ e ha a tue ɔ, e ngɛ kaa nɔ́ nɛ wa ngɛ nɔ ɔ dee ke, ‘O he ngɛ se nami kɛ ha mi.’ (Yak 1:19) Heto nɛ nɔ ɔ ma ha a ma nyɛ maa ye bua wɔ konɛ waa le bɔ nɛ wa ma plɛ wa munyu ɔ hɛ mi ha konɛ e nu tso.

NYƐƐ HYƐ VIDEO NƐ JI, MO NÁ KASELƆ PEEMI NÍ TSUMI Ɔ MI BUA JƆMI​—HA O NÍ TSƆƆMI NƐ NU TSO​—MO BI SANEHI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni su kpakpahi nɛ Lily je kpo?

• 

  Mɛni sane bimihi nɛ Neeta kɛ tsu ní kɛ tsɔɔ kaa e suɔ nɛ e ye bua Lily?

• 

  Mɛni sane bimihi nɛ Neeta kɛ tsu ní konɛ e kɛ ha nɛ Lily bua nɛ jɔ sane kpakpa a he?

• 

  Mɛni sane bimi nɛ Neeta kɛ tsu ní konɛ e kɛ ye bua Lily nɛ e susu e yi mi, nɛ́ e susu níhi a he kɛ ya tsitsaa hulɔ?