Ha Yehowa Nɛ Ye Bua Mo Kɛ Gu Sɔlemi Nɔ

Yehowa ji nɔ nɛ haa nɛ anɔkuale wu ɔ puɛɔ nɛ e waa ngɛ nɔ ko tsui mi. (1Ko 3:6-9) Enɛ ɔ he ɔ, bɔ nɛ pee nɛ waa ye manye ngɛ fiɛɛmi ní tsumi ɔ mi ɔ, e sa nɛ waa ngɔ wa hɛ kɛ fɔ Yehowa nɔ nɛ e ye bua waa kɛ wa Baiblo kaseli ɔmɛ.

Moo sɔle ha Yehowa nɛ e ye bua o Baiblo kaseli ɔmɛ konɛ a nyɛ nɛ a da nɔ nyɛmihi a nya nɛ a ye níhi nɛ maa tsi mɛ blɔ konɛ a ko ya a hɛ mi ɔ nɔ. (Flp 1:9, 10) Moo wo níhi pɔtɛɛ nɛ o ngɛ hlae ɔ nɔ ta. Moo sɔle kɛ bi mumi klɔuklɔu ɔ konɛ e kudɔ o susumi kɛ o ní peepee. (Luk 11:13) Moo tsɔɔ o Baiblo kaseli ɔmɛ bɔ nɛ a sɔleɔ ha nɛ o wo mɛ he wami nɛ a pee jã. O kɛ o Baiblo kaseli ɔmɛ nɛ bla kɛ sɔle nɛ o sɔle ha mɛ. Nɛ ke o kɛ mɛ ngɛ sɔlee ɔ, moo wo a biɛ ta.

NYƐƐ HYƐ VIDEO NƐ JI, MO NÁ KASELƆ PEEMI NÍ TSUMI Ɔ MI BUA JƆMI—HA YEHOWA NƐ YE BUA MO—SƆLEMI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nyagba Neeta kɛ kpe benɛ e kɛ Lily ngɛ ní kasee ɔ?

• Kɛ ngmami nɛ ngɛ 1 Korinto Bi 3:6 ye bua Neeta ha kɛɛ?

• Ngɛ mɛni blɔ nɔ nɛ Neeta ná e nyagba a nya tsaba?