Ye Bua O Baiblo Kaseli Nɛ A Lɛ A He Ngɛ Mumi Mi

E sa nɛ Baiblo kaseli nɛ a kase ní fuu pe anɔkualehi nɛ wa tsɔɔ mɛ ɔ, bɔ nɛ pee nɛ lɔ ɔ nɛ ye bua mɛ nɛ a ba le Yehowa nɛ a ba pee Kristofohi nɛ a nane pi si. (Mat 5:3; Heb 5:12–6:2) E sa nɛ a le blɔ nɔ nɛ a maa gu kɛ lɛ a he ngɛ mumi mi hulɔ.

Moo sɛ hlami nɛ o tsɔɔ o Baiblo mi ní kaseli ɔmɛ bɔ nɛ a ma dla a he kɛ ha ní kasemi ɔ ha, nɛ o wo mɛ he wami nɛ a pee jã. (mwb18.03 6) Moo wo mɛ he wami konɛ be fɛɛ be nɛ a maa kase ní ngɛ a dɛ he ɔ a sɔle. Ye bua mɛ konɛ a le bɔ nɛ a kɛ wa wɛbsaiti ɔ kɛ wa níhi a mi hlami ní kpahi ma tsu ní ha ke a maa kase ní ngɛ a dɛ he. Moo tsɔɔ mɛ nɛ a le bɔ nɛ a ma plɛ kɛ na ní hehi nɛ baa ngɛ jw.org kɛ JW Brɔɔdkastin ɔ nɔ ɔ ha. Yaa nɔ nɛ o tsɔɔ mɛ nɛ a kane Baiblo ɔ be fɛɛ be, nɛ a dla a he kɛ ha asafo mi kpehi, nɛ a hla níhi a mi konɛ a na a sane bimi ɔmɛ a heto. Ye bua mɛ konɛ a pue a yi mi tɛ ngɛ nɔ́ nɛ a ngɛ kasee ɔ he.

NYƐƐ HYƐ VIDEO NƐ JI, MOO YE BUA O BAIBLO KASELI KONƐ A LƐ A HE NGƐ MUMI MI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni blɔ nɔ Neeta gu kɛ ye bua Lily nɛ e na kaa ní kasemi biɔ babauu pe sanehi a heto nɛ nɔ ko ma hla?

• 

  Mɛni ye bua Lily nɛ e nu sisi kaa e da blɔ kaa Yehowa wo mlaa kɛ si ajuama bɔmi?

• 

  Mɛni nɛ Lily ba yɔse ngɛ yi mi tɛ puemi he?