Moo Ye Bua Baiblo Kaseli Konɛ A Ya Asafo Mi Kpehi

Asafo mi kpehi nɛ wa yaa a ji blɔ klɔuu nɔ nɛ wa guɔ kɛ jaa Yehowa a fã ko nɛ he hia. (La 22:22) Nihi tsuo nɛ a kpeɔ kɛ jaa Yehowa a náa bua jɔmi kɛ jɔɔmihi. (La 65:4) Baiblo kaseli yaa a hɛ mi mlamlaamla ke a yaa asafo mi kpehi be fɛɛ be.

Kɛ o ma plɛ kɛ ye bua o Baiblo kaseli nɛ a ya asafo mi kpehi ha kɛɛ? Yaa nɔ nɛ o fɔ mɛ nine. Je video nɛ ji, Mɛni A Peeɔ Ngɛ Matsɛ Yemi Asahi A Nɔ? kɛ tsɔɔ mɛ. O kɛ mɛ nɛ susu se nami nɛ ngɛ asafo mi kpehi nɛ a maa ya a he. (lff ní kasemi 10) O kɛ mɛ ma nyɛ ma susu munyu oti ko nɛ o kase ngɛ asafo mi kpe sisi ɔ he, aloo o ma nyɛ ma de mɛ níhi nɛ a maa kase ngɛ asafo mi kpe nɛ kpaako nyɛ maa ya a mi. Ha mɛ womi nɛ a maa kase ɔ eko. Jehanɛ hu moo pee ní komɛ kɛ ye bua mɛ. Eko ɔ, a maa hia yemi kɛ buami konɛ a nyɛ nɛ a ya asafo mi kpe. Mɔde fɛɛ nɛ o maa bɔ kɛ ye bua o Baiblo kaselɔ ɔ he maa ba se nami ke e ya asafo mi kpe kekleekle ligbi ɔ.​—1Ko 14:24, 25.

NYƐƐ HYƐ VIDEO NƐ JI, MOO YE BUA O BAIBLO KASELI KONƐ A YA ASAFO MI KPEHI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni he blɔ Neeta ná nɛ e kɛ fɔ Lily nine kɛ ya asafo mi kpe?

• 

  Mɛni he je nɛ wa bua jɔɔ ke wa Baiblo kaselɔ ko ya asafo mi kpe ɔ?

• 

  Benɛ Lily ya asafo mi kpe kekleekle ligbi ɔ, kɛ e nu he ha kɛɛ?