Moo Ye Bua Baiblo Kaseli Nɛ A Kua Huɛ Yayami Bɔmi

Loko Baiblo kaseli kɛ Yehowa ma nyɛ maa pee huɛ ɔ, ja a kɛ huɛmɛ kpakpahi bɔ. (La 15:1, 4) Huɛmɛ kpakpahi nɛ a kɛ maa bɔ ɔ ma ná a nɔ he wami konɛ a pee nɔ́ nɛ da.​—Abɛ 13:20; lff ní kasemi 48.

Ke o ngɛ nihi nɛ o kɛ mɛ kaseɔ Baiblo ɔ ye buae konɛ a kua huɛ yayami bɔmi ɔ, moo nu he ha mɛ. E he ma nyɛ maa wa ha mɛ kaa a kɛ huɛmɛ yayahi ma kpa bɔmi. Enɛ ɔ he ɔ, moo pee níhi kɛ tsɔɔ kaa o susuɔ a he ngɛ ligbihi nɛ nyɛ kase we ní ɔ a nɔ hulɔ. Níhi nɛ o ma nyɛ maa pee ɔ ekomɛ ji, sɛ gbi nɛ o maa mane mɛ, aloo nɛ o maa fia mɛ ngɛ fon nɔ, aloo nɛ o ma ya slaa mɛ be kpiti ko. Be mi nɛ o Baiblo kaseli ɔmɛ ngɛ a hɛ mi yae ɔ, o ma nyɛ maa fɔ̃ mɛ nine konɛ a ba piɛɛ Mawu we bi a he nɛ a kɛ mɛ nɛ bɔ. Enɛ ɔ ma ha nɛ a maa na heii kaa níhi nɛ a nine ngɛ nɔ sue ɔ hiɛ kulaa pe níhi nɛ bɔ mɛ ɔ. (Mak 10:29, 30) Mo hu o ma ná bua jɔmi ke o na kaa nihi nɛ a ngɛ Yehowa weku ɔ mi ɔ he ngɛ hiɛe.

NYƐƐ HYƐ VIDEO NƐ JI, MOO YE BUA O BAIBLO KASELI KONƐ A KUA HUƐ YAYAMI BƆMI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni ji huɛ yayami bɔmi?​—1Ko 15:33

• Kɛ Lily po bɔ nɛ Kristofohi a he nya buami maa hi ha a he foni ha kɛɛ?

• Kɛ Neeta plɛ kɛ ye bua Lily nɛ e kɛ huɛmɛ yayahi kpa bɔmi nɛ e ná huɛmɛ kpakpahi ha kɛɛ?