Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • w22 July bf. 31
  • Sane Bimihi Nɛ Je Ní Kaneli A Ngɔ

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • Sane Bimihi Nɛ Je Ní Kaneli A Ngɔ
  • Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2022
  • Munyu Nɛ Ngɛ Kaa Enɛ ɔ
  • Anɔkuale ɔ, ‘Pi Tue Mi Jɔmi Nɛ E Kɛ Baa, Mohu ɔ, Klaate’
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2017
  • Anɛ O Ma Nyɛ Maa Ye Bua Gba Si Himi Mi He Piɛɛlɔ Ko Nɛ E Be Asafo ɔ Mi Konɛ E Ba Le Anɔkuale ɔ Lo?
    Wa Matsɛ Yemi Sɔmɔmi ɔ—2010
Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2022
w22 July bf. 31

Sane Bimihi Nɛ Je Ní Kaneli A Ngɔ

Mɛni Yesu ngɛ tsɔɔe benɛ e de ke: “Nyɛ ko susu kaa i ngɔ tue mi jɔmi kɛ ba” a?

Yesu tsɔɔ nihi kaa a kɛ a sibi nɛ hi si ngɛ tue mi jɔmi mi. Se be ko ɔ, e de e bɔfo ɔmɛ ke: “Nyɛ ko susu kaa i ngɔ tue mi jɔmi kɛ ba zugba a nɔ; pi tue mi jɔmi nɛ i kɛ ba, mohu ɔ, klaate. Ejakaa i ba konɛ ma ha nɛ mi gbami nɛ ba nihi a kpɛti, nyumu maa te si kɛ wo e tsɛ, nɛ biyo maa te si kɛ wo e yayo, nɛ nganyɛ maa te si kɛ wo e nganyɛ.” (Mat. 10:34, 35) Mɛni ji munyu nɛ ɔ nɛ Yesu tu ɔ sisi?

Yesu sume nɛ e ngɔ mi gbami kɛ ba weku li a kpɛti, se kɛ̃ ɔ, e le kaa e tsɔɔmi ɔmɛ maa ngɔ mi gbami kɛ ba weku komɛ a mi. Enɛ ɔ he ɔ, ke nɔ ko suɔ kaa e maa pee Kristo kaselɔ nɛ á baptisi lɛ ɔ, e sa nɛ e le kaa e weku li ma nyɛ maa te si kɛ wo lɛ ngɛ yi mi kpɔ nɛ e mwɔ ɔ he je. Be komɛ ɔ, nɔ ko yo loo e huno aloo e weku li komɛ maa te si kɛ wo lɛ, nɛ lɔ ɔ ma ha nɛ e he nɛ wa ha lɛ kaa e kɛ anɔkuale yemi maa hɛɛ Kristo tsɔɔmi ɔmɛ a mi.

Baiblo ɔ woɔ Kristofohi he wami kaa ‘a kɛ adesahi tsuo nɛ hi si ngɛ tue mi jɔmi mi.’ (Rom. 12:18) Se Yesu tsɔɔmi ɔmɛ ma nyɛ maa pee kaa “klaate” ngɛ weku komɛ a mi. E baa mi jã ke nɔ ko kplɛɛ Yesu tsɔɔmi ɔmɛ a nɔ be mi nɛ e weku li lɛɛ a kplɛɛ we nɔ. Ke e ba lɛ jã a, weku li ɔmɛ naa nɔ nɛ e ngɛ anɔkuale ɔ kasee ɔ kaa a ‘he nyɛlɔ.’​—Mat. 10:36.

Yiheyo ko nɛ e pee kã nɛ e ngɛ e yayo he jee bemi nɛ e yayo ɔ ngɛ lɛ pɛɛ kpae kaa e ko je. Yiheyo ɔ hɛɛ “O Ma Nyɛ Ma Ná Bua Jɔmi Kɛ Ya Neneene!” womi ɔ.

Kristo kaseli nɛ a kɛ a weku li ngɛ we kake mi ɔ kɛ kahi ma nyɛ maa kpe ke e slo jami nɛ a weku li ɔmɛ ngɛ mi. Be komɛ ɔ, e ma bi nɛ a mwɔ yi mi kpɔ ko nɛ tsɔɔ kaa a suɔ nɛ Yehowa kɛ Yesu a bua nɛ jɔ, aloo a suɔ kaa a weku li mohu a bua nɛ jɔ. Kaa nɔ hyɛmi nɔ́ ɔ, eko ɔ, a weku li maa nyɛ a nɔ kaa a kɛ mɛ nɛ bla kɛ ye gbijlɔ ko. Ke e ba lɛ jã a, e sa nɛ a tsɔɔ nɔ nɛ a suɔ kaa a maa pee e suɔmi nya ní. Yesu de ke: “Nɔ fɛɛ nɔ nɛ e suɔ e tsɛ aloo e nyɛ sane wawɛɛ pe imi ɔ, e sɛ kaa e ba peeɔ ye kaselɔ.” (Mat. 10:37) Pi nɛ Yesu ngɛ tsɔɔe kaa ke nɔ ko maa pee e kaselɔ ɔ, e sa nɛ suɔmi nɛ e ngɛ kɛ ha e fɔli ɔ nɔ nɛ gbɔ. Se mohu ɔ, e ngɛ tsɔɔe kaa e sa nɛ nɔ ɔ nɛ le níhi nɛ a he hia wawɛɛ ngɛ e si himi mi. Ke wa ngɛ mɔde bɔe kaa wa ma sɔmɔ Yehowa, nɛ wa weku li te si kɛ wo wɔ ɔ, wa yaa nɔ nɛ wa jeɔ suɔmi kpo kɛ tsɔɔ mɛ. Se kɛ̃ ɔ, wa le kaa suɔmi nɛ wa ngɛ kɛ ha Mawu ɔ he hia pe suɔmi nɛ wa ngɛ kɛ ha wa weku li.

Atsinyɛ jemi ko be he kaa ke wa weku li te si kɛ wo wɔ ɔ, e ha we nɛ wa ná bua jɔmi. Se ngɛ enɛ ɔ tsuo se ɔ, e sa nɛ Yesu kaseli a hɛ nɛ hi Yesu munyu nɛ nyɛɛ se nɛ ɔ nɔ. E de ke: “Nɔ fɛɛ nɔ nɛ e wo we e sɛumi tso kɛ nyɛɛ we ye se ɔ, e sɛ kaa e ba peeɔ ye kaselɔ.” (Mat. 10:38) Ngɛ blɔ ko nɔ ɔ, Kristofohi naa si temi kɛ womi nɛ a weku li kɛ baa a nɔ ɔ kaa e piɛɛ haomihi nɛ Kristo kaseli hyɛɛ blɔ ɔ he. Se kɛ̃ ɔ, a ngɛ hɛ kɛ nɔ fɔmi kaa ke a weku li ɔmɛ na a je mi bami kpakpa a, lɔ ɔ ma ha nɛ a tsake a juɛmi konɛ a ba kase Baiblo ɔ.​—1 Pet. 3:1, 2.

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane