Moo Kase Ní Kɛ Je Foni Ɔmɛ A Mi

Fonihi fuu ngɛ wa womi ɔmɛ a mi nɛ ma nyɛ maa tsɔɔ wɔ níhi fuu nɛ a he hia. Mɛni o ma nyɛ maa pee konɛ o ná foni nɛ ɔmɛ a he se wawɛɛ?

• Loko o maa kane munyu ko ɔ, moo hyɛ foni ɔmɛ nɛ a ngɛ mi ɔ kekle. Kaa bɔ nɛ ke o na niye ní ko nɛ ngɛ akɔnɔ ɔ, e jloɔ mo kaa o ye ɔ, jã nɔuu nɛ fonihi nɛ ngɛ munyu ko mi ɔ hu ma nyɛ ma ha nɛ o bua nɛ jɔ he kaa o maa kane. Enɛ ɔ he ɔ, loko o maa kane munyu ko ɔ, mo bi o he ke: ‘Anɛ i na fonihi nɛ ngɛ mi ɔ lo?’—Amos 7:​7, 8.

• Ke o ngɛ munyu ɔ kanee ɔ, mo susu nɔ́ he je nɛ a ngɔ foni ɔmɛ kɛ wo mi ɔ he. Ke a ngma nɔ́ ko ngɛ foni ɔmɛ a he loo a tsɔɔ foni ɔmɛ a mi ɔ, moo kane. Moo hyɛ bɔ nɛ foni ɔmɛ kɛ kuku ɔ ngɛ tsakpa ha, kɛ bɔ nɛ e kɔɔ o si himi ha a he.

• Ke o kane munyu ɔ ta a, moo ngɔ foni ɔmɛ kɛ nylɔ otihi nɛ ngɛ nɔ́ nɛ o kane ɔ mi. Lɔ ɔ se ɔ, mo ma o hɛngmɛ, nɛ o hyɛ kaa o ma nyɛ ma kai foni ɔmɛ kɛ níhi nɛ o kase ngɛ mi ɔ lo.

• Moo hyɛ fonihi nɛ ngɛ womi tɛtlɛɛ nɛ ɔ mi ɔ ekohu, nɛ o hyɛ kaa o ma nyɛ ma kai níhi nɛ o kase ɔ lo.