A Na ‘Adiagba Nɛ He Jua Wa’ a

Yesu tsɔɔ kaa Mawu Matsɛ Yemi ɔ ma je adesahi a nyagbahi tsuo kɛ je. (Mateo 6:10) Yesu kɛ nɔ́ he tomi nɔ́ ko tsu ní ngɛ Mateo 13:44-46 kɛ tsɔɔ bɔ nɛ anɔkuale nɛ kɔɔ Mawu Matsɛ Yemi ɔ he ɔ he jua wa ha:

• Nyumu ko ngɛ ní tsue ngɛ ngmɔ ko mi, nɛ tlukaa e na juetli ko nɛ a kɛ laa.

• Jua yelɔ blɔ hialɔ ko ngɛ adiagba kpakpahi hlae nɛ e ya na adiagba kake nɛ he jua wa.

Nyumuhi enyɔ nɛ ɔmɛ tsuo kɛ bua jɔmi jua nɔ́ fɛɛ nɔ́ nɛ a ngɛ ɔ konɛ a nine nɛ su juetli nɛ a na a nɔ. Nyumu nɛ ɔmɛ daa si ha nihi nɛ a naa Matsɛ Yemi ɔ kaa e he jua wa hluu kaa a ngɔɔ níhi fuu kɛ sãa afɔle konɛ a nine nɛ su Matsɛ Yemi ɔ mi jɔɔmi ɔmɛ a nɔ. (Luka 18:29, 30) Ngɛ video nɛ ɔ mi ɔ, o maa na ni enyɔ komɛ nɛ a ngɛ kaa nyumu ɔmɛ nɛ a ngɛ Yesu nɔ́ heto mi nɔ́ ɔ mi ɔ a he sanehi.