Mɛni O Ma Nyɛ Maa Pee Konɛ O Ná Bua Jɔmi Ke O Kɛ Nyagbahi Ngɛ Kpee?​—⁠Mɛni Baiblo ɔ De?

Ngɛ be nɛ wa ngɛ mi nɛ níhi nɛ wa hyɛ we blɔ nyɛ baa tlukaa nɛ ɔ mi ɔ, wa be nyɛe ma kudɔ níhi nɛ baa wa nɔ ɔ. Se kɛ̃ ɔ, wa ma nyɛ ma ná bua jɔmi, ke ji kaa waa kɛ wa juɛmi ma wa ni peepee nɔ mohu pe nyagbahi nɛ waa kɛ ngɛ kpee ɔ nɔ. Baiblo ɔ de ke ngɛ nyagbahi nɛ a kɛ ngɛ kpeɔ tsuo se ɔ, ‘nihi nɛ a ngɛ bua jɔmi tsui ɔ ngmɛɔ okplɔɔ daa.’ (Abɛ 15:15, Good News Translation) Mɛni wa ma nyɛ maa pee konɛ wa ná bua jɔmi be fɛɛ be? Moo hyɛ ga womi komɛ nɛ ngɛ Baiblo ɔ mi nɛ ma nyɛ maa ye bua mo.

Moo da tsui yemi nya

Baiblo ɔ de ke: “Yeyeeye peemi haa nɛ nɔ yeɔ tsui, se munyu kpakpa haa nɛ tsui nyaa.”​—Abɛ 12:25.

• Baiblo ɔ ma nyɛ maa ye bua mo konɛ o ko ye tsui tsɔ. Moo kane babauu kɛ kɔ enɛ ɔ he ngɛ munyu nɛ ji “What the Bible Says About Anxiety” ɔ mi.

Moo hwu kɛ si hɛja si himi

Baiblo ɔ de ke: “Huɛ nitsɛ jeɔ suɔmi kpo be fɛɛ be, nɛ e ji nyɛmi nɛ a fɔ kɛ ha haomi behi.”​—Abɛ 17:17.

• Ga womi ngɛ Baiblo ɔ mi nɛ maa ye bua mo konɛ huɛ bɔmi gbagbanii nɛ hi o kɛ o huɛmɛ a kpɛti nɛ o nyɛ nɛ o hwu kɛ si hɛja si himi. Moo kane munyu nɛ ji “Ke O Kɛ Ni Kpahi Bɔɔ ɔ, E Maa Ye Bua Mo Nɛ́ O Ko Nu He Kaa E Piɛ Mo Pɛ​​—Bɔ Nɛ Baiblo ɔ Maa Ye Bua Mo Ha.”

Mo ná suɔmi kɛ ha Mawu kɛ o nyɛmi

Baiblo ɔ de ke: “E sa nɛ o suɔ Yehowa o Mawu ɔ kɛ o tsui tsuo kɛ o susuma tsuo kɛ o juɛmi tsuo. . . . E sa nɛ o suɔ o nyɛmi kaa bɔ nɛ o suɔ o he ɔ.”a​—Mateo 22:37-39.

• Sɔlemi ma nyɛ maa ye bua wɔ konɛ suɔmi nɛ wa ngɛ kɛ ha Mawu ɔ mi nɛ wa. Ke o suɔ nɛ o le babauu ɔ, moo kane munyu nɛ ji “Does God Hear Our Prayers?” ɔ.

• Ke waa kɛ nihi hi si kaa bɔ nɛ Yesu de ke waa pee ɔ, lɔ ɔ tsɔɔ kaa wa suɔ mɛ. Moo kase babauu ngɛ munyu nɛ ji “What Is the Golden Rule?” ɔ mi.

Moo kase babauu kɛ kɔ bɔ nɛ Baiblo ɔ ma nyɛ maa ye bua mo ha kɛ da be nɛ wa ngɛ mi nɛ níhi nɛ wa hyɛ we blɔ nyɛ baa tlukaa nɛ ɔ nya. Konɛ o nyɛ nɛ o pee jã a, wa ngɛ mo nine fɔe konɛ o ka Baiblo ɔ nɛ waa kɛ nihi kaseɔ nɛ wa he we no ko ɔ nɛ o hyɛ.