Ke Mawu Matsɛ Yemi ɔ bɔni zugba a nɔ yemi ɔ, adesahi “maa hi zugba a nɔ ngɛ kplɔkɔtɔ, kɛ tue mi jɔmi mi.”—La 37:11
Mɛni Baiblo ɔ De?
Anɛ Baiblo ɔ ma nyɛ maa ye bua mo kɛ da yeyeeye peemi nya lo?
Kɛ o ma ha heto kɛɛ?
Ee
Dɛbi
Eko ɔ
Nɔ́ nɛ Baiblo ɔ de
“Nyɛɛ ngɔ nyɛ haomi ɔmɛ tsuo ngɔ fɔ [Mawu] nɔ; ejakaa lɛ nɛ e hyɛɛ nyɛ nɔ.” (1 Petro 5:7) Baiblo ɔ ma nɔ mi kaa Mawu ma nyɛ maa ye bua mo konɛ o nyɛ nɛ o da yeyeeye peemi nya.
Mɛni hu wa ma nyɛ maa kase ngɛ Baiblo ɔ mi?
Sɔlemi nɛ o maa sɔle ɔ ma ha nɛ o ná “Mawu he jɔmi” ɔ konɛ o yeyeeye peemi ɔ nya nɛ ba si.—Filipi Bi 4:6, 7.
Jehanɛ hu, Mawu Munyu ɔ nɛ o maa kane ɔ ma nyɛ maa ye bua mo konɛ o da yeyeeye peemi nya.—Mateo 11:28-30.
Anɛ yeyeeye peemi se maa po ligbi ko lo?
Ni komɛ heɔ yeɔ . . . kaa yeyeeye peemi kɛ haomi piɛɛ adesahi a si himi he. Ni komɛ hu heɔ yeɔ kaa jã wa gbo loko yeyeeye peemi se maa po. Kɛ o susu kɛɛ?
Nɔ́ nɛ Baiblo ɔ de
Mawu ma je níhi tsuo nɛ ngɔɔ yeyeeye peemi kɛ baa a kɛ je. “Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu.”—Kpojemi 21:4.
Mɛni hu wa ma nyɛ maa kase ngɛ Baiblo ɔ mi?
Adesahi tsuo maa hi si ngɛ tue mi jɔmi mi ngɛ Mawu Matsɛ Yemi ɔ mi.—Yesaya 32:18.
Yeyeeye peemi kɛ haomi se maa po, a be kaie hu.—Yesaya 65:17.