Moo Bu O Tsui He

1. Yaa nɔ nɛ o bu o tsui he;

Koo pee yayami ko.

Mawu hyɛɛ tsui mi nɛ e naa

Bɔnɛ wa ngɛ ha tsuo.

Tsui nyɛɔ sisiɔ nɔ be komɛ,

Ma nyɛ ma ha wa tɔ̃.

Lɔɔ he moo bu o tsui he daa.

Bu Yehowa mlaa tue.

2. Moo sɔle kɛ dla o tsui nɛ

O hla Mawu se blɔ.

Mo je e yi, naa lɛ si daa;

De lɛ o haomihi.

Níhi nɛ Yehowa tsɔɔ wɔ

Waa kɛ ma tsu ní daa.

Lɔɔ he mo ná tsui kpakpa daa,

Nɛ o sa e hɛ mi.

3. Ko susu nɔ́ yayami he;

Susu nɔ́ nɛ da he.

Mawu Munyu nɛ hyi o tsui,

E wo mo he wami.

Yehowa suɔ nimli dadɛ;

Wa he munyu n’ɔ ye.

Lɔɔ he ja lɛ kɛ o tsui tsuo.

E ji o huɛ nitsɛ.