LA 88
Ha Nɛ Ma Le O Blɔ Ɔmɛ
Nɔ́ Nɛ A Print
(La 25:4)
1. Wa kpe ngɛ o hɛ mi, Tsaatsɛ Yehowa,
Wa bua jɔ kaa o tsɛ wɔ kɛ ba.
O Munyu ngɛ kaa kane ngɛ wa blɔ nɔ.
O Munyu lɛ ha nɛ wa le mo.
(NƆ HEMI)
Tsɔɔ mi o blɔ, nɛ ma le mo wawɛɛ.
Yehowa, ha ma bu o mlaa tue daa.
Tsaatsɛ, mo ha nɛ ma pee nɔ́ nɛ da,
Nɛ ma susu o mlaa he daa kɛ daa.
2. Tsɛ Yehowa, o juɛmi mi kuɔ wawɛɛ;
O dami sane yemi se be.
O Munyu ha nɛ wa nya kpɛɛ wa he daa,
O we anɔkuale hu ngɛ daa.
(NƆ HEMI)
Tsɔɔ mi o blɔ, nɛ ma le mo wawɛɛ.
Yehowa, ha ma bu o mlaa tue daa.
Tsaatsɛ, mo ha nɛ ma pee nɔ́ nɛ da,
Nɛ ma susu o mlaa he daa kɛ daa.