Moo Ya O Hɛ Mi!

1. Moo ya o hɛ mi, o nane nɛ pi si!

Wa Mawu suɔ kaa wa nane nɛ pi si wawɛɛ.

Yaa o hɛ mi ngɛ fiɛɛmi nítsumi mi,

Mawu maa jɔɔ mo wawɛɛ.

Nɔ tsuaa nɔ ma nyɛ ma tsu eko.

Mo kai kaa lɔɔ nɔuu nɛ Yesu tsu.

Moo ngɔ o hɛ kɛ fɔ Yehowa nɔ daa,

Pee nɔ́ nɛ da be tsuaa be.

2. Moo ya o hɛ mi, ye odase kɛ kã!

Moo ya nɔ, fiɛɛ sane kpakp’a kɛ tsɔɔ nimli tsuo.

Wa jeɔ Matsɛ Yehowa, wa Mawu yi,

Wa fiɛɛɔ ngɛ wehi a mi.

He nyɛli maa wo wa he gbeye.

Koo ye gbeye, yaa nɔ nɛ o fiɛɛ;

Ha a le kaa Mawu Matsɛ Yemi ba.

Moo tsɔɔ nimli be tsuaa be.

3. Moo ya o hɛ mi, moo kpale kɛ ya slaa

Nimli nɛ a bua jɔ munyu he, pee kaseli.

Yaa o hɛ mi, ha mumi nɛ wo mo kã,

Mo ná bua jɔmi nitsɛ.

Suɔ nimli nɛ o kɛ kaseɔ ní.

Tsɔɔ mɛ ní nɛ e sɛ a tsui mi.

Moo ye bua mɛ tsuo nɛ a ya a hɛ mi,

Nɛ́ anɔkua l’a nɛ kpɛ.