Anɛ O Ma Ná Watchtower Nɛ A Pee Ngɛ Blɛfo Gbi Nɛ Mi Wɛ Mi ɔ He Se Lo?

Amlɔ nɛ ɔ, a pee Watchtower nɛ a maa kase ɔ eko ngɛ Blɛfo gbi nɛ mi wɛ mi. A pee womi tɛtlɛɛ nɛ ɔ kɛ ha (1) Fiɛɛli nɛ a tuɔ Blɛfo gbi nɛ a ma ná munyunguhi nɛ a mi wɛ ɔ a he se; (2) fiɛɛli nɛ pi a je gbi ji Blɛfo gbi; (3) nihewi kɛ yihewi kɛ nihi nɛ a ngɛ sisije sukuu kɛ nɔ tsami sukuu yae; kɛ (4) Baiblo kaseli nɛ a hia womi ngɛ Blɛfo gbi nɛ mi wɛ mi konɛ a kɛ nu Baiblo ɔ mi anɔkuale ɔ sisi.

A to kuku ɔmɛ, kɛ sane bimi ɔmɛ, kɛ munyuyi ɔmɛ a nya kaa bɔnɛ e ngɛ ngɛ nɔ́ nɛ a peeɔ daa a mi ɔ. Munyu nɛ ngɛ Watchtower nɛ a peeɔ daa a mi ɔ nɔuu nɛ ngɛ mi, se munyungu ɔmɛ kɛkɛ nɛ a mi wɛ. E ngɛ mi kaa ngɛ Blɛfo gbi asafohi a mi ɔ, nɔ nɛ maa hyɛ Watchtower Nikasemi ɔ nɔ ɔ kɛ nɔ nɛ maa kane ɔ kɛ Watchtower nɛ a peeɔ daa a ma tsu ní mohu lɛɛ, se nihi nɛ a maa hɛɛ nɔ́ nɛ a pee ngɛ Blɛfo gbi nɛ mi wɛ ɔ mi ɔ hu maa na ngmamihi kɛ fonihi nɛ ngɛ nɔ́ nɛ a peeɔ daa a mi ɔ ngɛ mɛ hu a nɔ́ ɔmɛ a mi nɛ́ a kane kɛ nyɛɛ se konɛ a ha heto, se ke nihi hiɛhiɛɛ hɛɛ nɔ́ nɛ a pee ngɛ Blɛfo gbi nɛ mi wɛ ɔ mi ɔ, lɛɛ nɔ nɛ maa hyɛ nikasemi ɔ nɔ kɛ nɔ nɛ e maa kane mi ɔ tsuo hu nɛ a hɛɛ eko. Nyɛ kadi: Womi tɛtlɛɛ nɛ ɔmɛ maa ye bua fiɛɛli nɛ a ngɛ asafohi nɛ a tuɔ a je gbi ngɛ mi ɔ a mi ke a ngɛ a dɛhe nikasemi pee.

Nɔ tsuaa nɔ nɛ e susu kaa e ma ná womi tɛtlɛɛ nɛ ɔ he se ɔ nɛ ha nɛ nyɛmi nɛ hyɛɛ womi tɛtlɛɛ ɔmɛ a nɔ ɔ nɛ sɛ eko ha lɛ.