Wa He Nɛ Maa Be Ngɛ Fiɛɛmi Ní Tsumi ɔ Mi​—O Kɛ Wetsɛ ɔ Nɛ To Blɔ Nya Nɛ O Kpale Ya Slaa Lɛ

Nɔ́ He Je Nɛ E He Hia: Ke wa ya na nɔ ko nɛ e bua jɔ munyu ɔ he ɔ, e sa nɛ waa bɔ mɔde nɛ waa le be nɛ nɔ ɔ maa hi we mi konɛ waa kpale ya slaa lɛ nɛ wa pue anɔkuale wu nɛ wa du ɔ nɔ nyu. (1 Kor. 3:6) Behi fuu ɔ, e he hia nɛ wa bi wetsɛ ɔ be nɛ e maa suɔ kaa waa kpale ba slaa lɛ loko waa je. Jehanɛ hu ɔ, e maa hi kaa wa ma si lɛ sane bimi ko nɛ waa kɛ lɛ ma ba susu he pee se. Enɛ ɔ ma ha nɛ wetsɛ ɔ maa hyɛ wa blɔ mi, nɛ ke sane bimi ɔ heto ngɛ womi nɛ wa ha lɛ ɔ mi ɔ, e maa kane loko wa maa ya. Blɔ nya nɛ wa maa to ɔ ma ha nɛ e be yee ha wɔ kaa wa maa kpale ya slaa wetsɛ ɔ, ejakaa wa le nɔ́ nɛ waa kɛ lɛ ma susu he ɔ momo, nɛ wetsɛ ɔ hu le nɔ́ nɛ waa kɛ lɛ ma ba kase ɔ. Ke wa ya na lɛ ekohu ɔ, wa ma nyɛ ma de lɛ ke, wa ba konɛ wa ba ha sane bimi nɛ waa kɛ si lɛ lingmi ɔ heto; kɛkɛ waa kɛ lɛ je ní kasemi ɔ sisi.