‘E Pee Nɔ́ Tsuaa Nɔ́ Nɛ A Fã Lɛ Ke E Pee ɔ’

6:9, 13-16, 22

Mo susu bɔ nɛ Noa kɛ e weku ɔ tsu ní wawɛɛ kɛ kpɛ daka a be mi nɛ a be ga dadehi kɛ tsu mami he nile nɛ ngɛ mwɔnɛ ɔ he nɛ o hyɛ.

• Daka a nɛ a kpɛ ɔ kle wawɛɛ. E kami maa pee nanewɛɛ 437, e blimi maa pee nanewɛɛ 73, nɛ e hiɔwe yami maa pee nanewɛɛ 44

• E ma bi nɛ a poo tsohi, a gba tso ɔmɛ, nɛ a mwɔɔ kɛ ya he nɛ a maa kpɛ daka a ngɛ ɔ

• E sa nɛ a ngɔ amã kɛ kpa daka agbo nɛ ɔ mi kɛ e he tsuo

• E ma bi nɛ a bua jeha kake nya niye ní nɛ Noa kɛ e weku ɔ kɛ lohwe ɔmɛ maa ye ɔ kɛ wo daka a mi

• A ngɔ maa pee jeha 40 loo 50 kɛ kpɛ daka a

Ke e he wa ha wɔ kaa wa ma tsu ní tsumi ko nɛ Yehowa kɛ wo wa dɛ ɔ he ní ɔ, kɛ Noa sane ɔ ma nyɛ maa wo wɔ he wami ha kɛɛ?