O Ma Nyɛ Maa Fiɛɛ Nɛ O Tsɔɔ Ní!

Benɛ Yehowa ha Mose ní tsumi ko ɔ, sisije ɔ, Mose susu kaa e be nyɛe ma tsu. (2Mo 4:10, 13) Anɛ mo hu o nu he jã hyɛ lo? Anɛ o kɛ Yehowa Odasefohi ngɛ Baiblo ɔ kasee lo? Anɛ e peeɔ mo kaa o be nyɛe maa fiɛɛ ngɛ wehi a mi gblee lo? Aloo o ji niheyo loo yiheyo nɛ o yeɔ gbeye kaa o maa ye odase ngɛ sukuu. Aloo eko ɔ, o yeɔ gbeye kaa o maa ye odase ngɛ tɛlifoo nɔ aloo o kɛ o he maa wo ma nɔ odase yemi mi. Moo sɔle ha Yehowa konɛ e ye bua mo kɛ e mumi klɔuklɔu ɔ. (1Pe 4:11) Mo ná nɔ mi mami kaa e maa ye bua mo konɛ o nyɛ nɛ o tsu ní tsumi fɛɛ ko nɛ e kɛ maa wo o dɛ ɔ he ní.​—2Mo 4:11, 12.

NYƐƐ HYƐ VIDEO NƐ JI, MOO PEE KÃ . . . FIƐƐLƆ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni ji Nyɛmiyo Aoyama nyagba a?

• Mɛni ye bua lɛ nɛ e ná kã?​—Yer 20:7-9

• Kɛ e he nɛ e ngɔ kɛ ha kaa e maa pee babauu ngɛ Yehowa sɔmɔmi mi ɔ ye bua lɛ ha kɛɛ?

• Mɛni nyagbahi nɛ Yehowa ma nyɛ maa ye bua mo nɛ o da nya ngɛ fiɛɛmi ní tsumi ɔ mi?