12 «Ամեն անգամ, երբ մարդահամար անեք և հաշվեք իսրայելացի տղամարդկանց,+ թող այդ ժամանակ յուրաքանչյուր ոք իր կյանքի համար փրկագին տա Եհովային: Դա պետք է արվի, որպեսզի երբ հաշվառվեն, նրանց վրա պատուհաս չգա: 13 Ահա թե ինչ պետք է տան բոլոր հաշվառվողները. կես սիկղ* արծաթ՝ սուրբ վայրի կշռաչափով* (մեկ սիկղը 20 դանգ* է):+ Նվիրաբերությունը, որ պետք է տրվի Եհովային, կես սիկղ արծաթ է:+ 14 Քսան տարեկան և ավելի բարձր տարիքի յուրաքանչյուր հաշվառված մարդ պետք է Եհովային տա այս նվիրաբերությունը:+ 15 Ձեր կյանքի համար որպես քավություն Եհովային տրվող նվիրաբերությունը պետք է կես սիկղ արծաթ լինի. հարուստը դրանից ավել չպետք է տա, աղքատն էլ՝ դրանից պակաս: 16 Իսրայելացիներից վերցրեք արծաթը, որ պետք է տրվի որպես քավություն, և օգտագործեք հանդիպման վրանում կատարվող ծառայության համար: Այդ արծաթը Եհովային կհիշեցնի իսրայելացիների մասին, և դրանով քավություն կարվի նրանց կյանքի համար»:

32 Բացի դրանից՝ յուրաքանչյուրս պարտավորվում ենք ամեն տարի մեկ երրորդ սիկղ* տալ մեր Աստծու տանը* կատարվող ծառայության համար,+

24 Երբ եկան Կափառնայում, տաճարի հարկ* գանձողները մոտեցան Պետրոսին ու ասացին. «Ձեր ուսուցիչը տաճարի հարկը չի վճարո՞ւմ»:+