Սաղմոսներ

9 Ո՜վ Եհովա, ամբողջ սրտով քեզ կգովաբանեմ,

Քո բոլոր զարմանահրաշ գործերի մասին կպատմեմ:+

 2 Քեզնով կուրախանամ ու կցնծամ,

Ո՜վ Բարձրյալ, անունդ կգովերգեմ:*+

 3 Նահանջի ճամփան բռնած թշնամիներս+

Քո առաջ կընկնեն ու կկործանվեն:

 4 Չէ՞ որ դու պաշտպանում ես ինձ իմ արդար դատում,

Դու նստած ես քո գահին և արդարությամբ ես դատում:+

 6 Մեկընդմիշտ կործանվեցին թշնամիները,

Հիմնովին ավերեցիր նրանց քաղաքները,

Կվերանա նրանց հիշատակը:+

 7 Իսկ Եհովան հավերժ գահակալ է,+

Իր գահն ամուր հաստատել է,

Որ արդարություն գործադրի:+

 8 Ողջ երկիրը նա արդարությամբ կդատի,+

Ազգերի համար արդար դատավճիռներ կկայացնի:+

 9 Կեղեքվածների համար ապահով ապաստան կլինի Եհովան,+

Դժվարին օրերում՝ անվտանգ պատսպարան:+

11 Գովերգեք Եհովային՝ Սիոնում բնակվողին,

Ժողովուրդներին պատմեք նրա գործերի մասին:+

12 Տառապյալների արյան վրեժն առնողը հիշում է նրանց,+

Նա երբեք չի մոռանա նրանց աղաղակը:+

13 Ո՛վ Եհովա, դու, որ մահվան դռնից հետ ես բերում ինձ,+

Տես՝ ինչպես եմ տառապում ինձ ատողների ձեռքից,

Եվ իմ հանդեպ բարեհաճ եղիր,

14 Որ Սիոն քաղաքի* դարպասների մոտ

Գովելի գործերիդ մասին հռչակեմ+

15 Ազգերը ընկան իրենց իսկ փորած փոսի մեջ,

Նրանց ոտքը բռնվեց իրենց իսկ լարած թակարդի* մեջ:+

17 Գերեզման* կգնան անօրենները,

Աստծուն մոռացած բոլոր ազգերը:

18 Մինչդեռ աղքատը մոռացված չի մնա,+

Հեզերի հույսն ի վերջո կիրականանա:+

19 Գործիր, Եհո՛վա, ազգերին ենթարկիր դատաստանի,+

Մի՛ թող մարդն իրեն քեզնից զորավոր կարծի:

20 Ահուդողի մեջ գցիր նրանց, Եհո՛վա,+

Թող ազգերն իմանան, որ մահկանացու մարդ են միայն: (Սելա)