Սաղմոսներ

34 Եհովային կփառաբանեմ ամեն ժամանակ,

Շուրթերս նրան կգովեն շարունակ:

 2 Եհովային կմեծարեմ,*+

Հեզերը կլսեն ու կցնծան:

 3 Դուք էլ ինձ հետ Եհովային մեծարեք,+

Եկեք միասին նրա անունը պատվենք:

 4 Եհովայից առաջնորդություն խնդրեցի,

Եվ նա ինձ պատասխանեց,+

Իմ բոլոր վախերից ինձ ազատեց:+

 5 Նրան հուսացողների դեմքը փայլում է ուրախությունից,

Նրանք երբեք իրենց գլուխը չեն կախի ամոթից:

 6 Ես՝ ընկճվածս, աղաղակեցի, և Եհովան լսեց,

Իմ բոլոր նեղություններից նա ինձ փրկեց:+

 7 Եհովայի հրեշտակը Նրանից վախեցողներին պաշտպանում է*+

Եվ նրանց փրկում է:+

 8 Ճաշակեք և տեսեք, որ բարի է Եհովան,+

Երջանիկ է այն մարդը, ով նրա մոտ է գտնում ապաստան:

10 Անգամ զորեղ առյուծներն են մատնվում սովի,

Բայց Եհովային ապավինողները* ոչ մի բարիքի կարոտ չեն լինի:+

11 Եկեք, որդինե՛րս, լսեք ինձ,

Ես ձեզ կսովորեցնեմ վախենալ Եհովայից:+

12 Ուզո՞ւմ եք կյանքը վայելել

Եվ բազում լավ օրեր տեսնել,+

נ [Նուն]

13 Ուրեմն ձեր լեզուն հետ պահեք վատ բաներ ասելուց+

Եվ ձեր շուրթերը՝ սուտ խոսելուց:+

14 Հեռացեք չար բաներից և բարին արեք,+

Խաղաղության ձգտեք և ջանադրաբար այն պահպանեք:+

15 Եհովայի աչքերն ուղղված են արդարներին,+

Եվ նրա ականջները լսում են նրանց օգնության աղաղակը:+

16 Բայց չարագործներին Եհովան մերժում է,

Նրանց հիշատակը կջնջի երկրից:+

17 Արդարներն աղաղակեցին, և Եհովան լսեց,+

Բոլոր նեղություններից նրանց ազատեց:+

18 Եհովան մոտ է նրանց, ում սիրտը կոտրված է,+

Ընկճվածներին նա փրկում է:+

19 Շատ են արդարի դժվարությունները,+

Բայց Եհովան այդ ամենից նրան ազատում է:+

20 Նա պահպանում է նրա բոլոր ոսկորները,

Չի կոտրվի դրանցից և ոչ մեկը:+

21 Անօրեններն աղետից կկործանվեն,

Արդարին ատողները մեղավոր կճանաչվեն: