Die eerste boek van Kronieke
14 Koning Hiram+ van Tirus het boodskappers na Dawid toe gestuur, en ook sederhout, klipmesselaars* en houtwerkers om vir hom ’n paleis te bou.+ 2 Dawid het geweet dat Jehovah hom stewig gevestig het as koning oor Israel,+ want Hy het sy koningskap verheerlik ter wille van Sy volk Israel.+
3 Dawid het nog vrouens+ in Jerusalem geneem, en hy het nog seuns en dogters gehad.+ 4 Dít is die name van sy kinders wat in Jerusalem gebore is:+ Samʹmua, Sobab, Natan,+ Salomo,+ 5 Jibhar, Elisuʹa, Elpeʹlet, 6 Noga, Nefeg, Jaʹfia, 7 Elisaʹma, Beëlʹjada en Elifeʹlet.
8 Toe die Filistyne hoor dat Dawid as koning oor die hele Israel gesalf is,+ het al die Filistyne gekom om teen Dawid te veg.+ Toe Dawid daarvan hoor, het hy teen hulle opgetrek. 9 En die Filistyne het die inwoners van die Refaʹim-vallei+ aangeval. 10 Dawid het God geraadpleeg en gevra: “Moet ek teen die Filistyne gaan veg? Sal u hulle in my hand gee?” Jehovah het vir hom gesê: “Gaan, ek sal hulle beslis in jou hand gee.”+ 11 En Dawid het na Baäl-Peʹrasim+ gegaan, en hy het hulle daar verslaan. Dawid het toe gesê: “Die ware God het my gebruik om deur my vyande se leërmag te breek, net soos waters deur ’n muur breek.” Daarom het hulle daardie plek Baäl-Peʹrasim* genoem. 12 Die Filistyne het hulle gode daar agtergelaat, en op Dawid se bevel is die gode met vuur verbrand.+
13 Later het die Filistyne die inwoners van die vallei weer aangeval.+ 14 Dawid het God weer vir leiding gevra, maar die ware God het vir hom gesê: “Moet hulle nie van voor af aanval nie. Gaan eerder om hulle en val hulle by die baka-bosse van agter af aan.+ 15 En wanneer jy ’n geluid hoor wat klink soos voetstappe in die toppe van die baka-bosse, moet jy aanval, want dan het die ware God voor jou uit gegaan om die leërmag van die Filistyne te verslaan.”+ 16 Toe het Dawid gedoen net soos die ware God hom beveel het,+ en hulle het die Filistynse leërmag verslaan van Giʹbeon af tot by Geser.+ 17 En Dawid se roem het na al die lande versprei, en Jehovah het veroorsaak dat al die nasies hom vrees.+