Die eerste boek van Kronieke

20 Aan die begin van die jaar,* die tyd wanneer konings uitgaan om oorlog te voer, het Joab+ die leërmag gelei en teen die Ammoniete gaan veg en hulle land verwoes. Hy het Rabba+ beleër, terwyl Dawid in Jerusalem gebly het.+ Joab het Rabba aangeval en dit afgebreek.+ 2 Toe het Dawid die kroon van Malkam se kop afgehaal. Dit was van een talent* goud gemaak en met edelstene versier. Die kroon is toe op Dawid se kop gesit. Hy het ook baie buit uit die stad geneem.+ 3 Hy het die mense van die stad gevange geneem, en hy het hulle klippe laat saag en hulle met skerp ystergereedskap en byle laat werk.+ Dit is wat Dawid met al die stede van die Ammoniete gedoen het. Uiteindelik het Dawid en al die soldate na Jerusalem teruggekeer.

4 Daarna het daar oorlog teen die Filistyne uitgebreek in Geser. Toe is Sippai, ’n nakomeling van die Refaïete,+ deur Sibʹbegai,+ die Husatiet, doodgemaak, en die Filistyne is verslaan.

5 En daar het weer oorlog teen die Filistyne uitgebreek, en Elhaʹnan, die seun van Jaïr, het Lagmi, die broer van Goʹliat,+ die Gittiet, doodgemaak. Die steel van Lagmi se spies was so groot soos die balk van ’n weefraam.+

6 Oorlog het weer uitgebreek in Gat,+ waar daar ’n man was wat buitengewoon groot was,+ met 6 vingers aan elke hand en 6 tone aan elke voet, altesaam 24. Hy was ook ’n nakomeling van die Refaïete.+ 7 Hy het Israel bly uittart,+ en Joʹnatan, die seun van Dawid se broer Siʹmea,+ het hom doodgemaak.

8 Hulle was nakomelinge van die Refaïete+ in Gat,+ en hulle is deur Dawid en sy knegte doodgemaak.