Esegiël
28 Jehovah het weer met my gepraat en gesê: 2 “Mensekind, sê vir die leier van Tirus: ‘Dít is wat die Soewereine Heer Jehovah sê:
“Omdat jou hart hoogmoedig geword het,+ bly jy sê: ‘Ek is ’n god.
Ek sit op die troon van ’n god in die hart van die see.’+
Maar jy is net ’n mens, nie ’n god nie,
al voel jy in jou hart dat jy ’n god is.
3 Kyk! Jy is wyser as Daniël.+
Daar is geen geheim wat jy nie ken nie.
5 Jy het baie ryk geword omdat jy so goed handel gedryf het,+
en jou hart het hoogmoedig geword as gevolg van jou rykdom.”’
6 “‘Daarom sê die Soewereine Heer Jehovah:
“Omdat jy in jou hart voel dat jy ’n god is,
7 bring ek uitlanders teen jou, die wreedste manne van die nasies,+
en hulle sal hulle swaarde teen die prag van jou wysheid uittrek
en jou glorieryke prag ontheilig.+
8 Hulle sal jou in die graf laat afgaan,
en jy sal ’n gewelddadige dood sterf in die hart van die oop see.+
9 Sal jy nog steeds vir die een wat jou doodmaak, sê: ‘Ek is ’n god’?
Jy sal ’n blote mens wees in die hand van dié wat jou ontheilig, en nie ’n god nie.”’
10 ‘Deur die hand van uitlanders sal jy sterf soos dié wat nie besny is nie,
want ek het dit gesê,’ sê die Soewereine Heer Jehovah.”
11 En Jehovah het weer met my gepraat en gesê: 12 “Mensekind, sing ’n treurlied oor die koning van Tirus en sê vir hom: ‘Dít is wat die Soewereine Heer Jehovah sê:
13 Jy was in Eden, die tuin van God.
Jy was versier met elke soort edelsteen –
robyn, topaas en jaspis; chrisoliet, oniks en niersteen; saffier, turkoois+ en smarag,
en hulle was in goud geset.
Hulle is voorberei op die dag toe jy geskep is.
14 Ek het jou aangestel as die gesalfde gerub wat beskerm.
Jy was op die heilige berg van God,+ en jy het tussen vurige stene geloop.
15 Daar kon nie met jou foutgevind word van die dag af dat jy geskep is nie
totdat onregverdigheid in jou gevind is.+
Ek sal jou dus as onheilig beskou en jou van die berg van God verdryf en jou vernietig+
sodat jy nie meer tussen die stene van vuur sal wees nie, o gerub wat beskerm.
17 Jou hart het hoogmoedig geword weens jou skoonheid.+
Jou glorieryke prag het jou wysheid bederf.+
Ek sal jou op die aarde neergooi+
en jou ’n bespotting voor konings maak.
18 As gevolg van jou groot skuld en jou oneerlike handel het jy jou heiligdomme ontheilig.
Ek sal ’n vuur in jou laat ontstaan, en dit sal jou verteer.+
Ek sal jou op die aarde tot as verbrand voor almal wat na jou kyk.
19 Almal onder die volke wat jou ken, sal verbaas na jou staar.+
Jou einde sal skielik en verskriklik wees,
en jy sal vir altyd ophou bestaan.”’”+
20 En Jehovah het weer met my gepraat en gesê: 21 “Mensekind, draai jou gesig na Sidon,+ en profeteer daarteen. 22 Jy moet sê: ‘Dít is wat die Soewereine Heer Jehovah sê:
“Ek is teen jou, Sidon, en ek sal in jou verheerlik word,
en mense sal moet weet dat ek Jehovah is wanneer ek die stad oordeel en straf en wanneer ek daar geheilig word.
23 Ek sal vreeslike siektes in die stad stuur, en bloed sal in die strate vloei.
Mense sal in die stad doodgemaak word wanneer die swaard van alle kante af daarteen kom,
en hulle sal moet weet dat ek Jehovah is.+
24 “‘“Dan sal die huis van Israel nie meer omring word deur doringtakke wat steek of dorings wat seermaak nie,+ dié wat hulle sonder respek behandel, en mense sal moet weet dat ek die Soewereine Heer Jehovah is.”’
25 “‘Dít is wat die Soewereine Heer Jehovah sê: “Wanneer ek die huis van Israel weer bymekaarmaak uit die volke waarheen hulle verstrooi is,+ sal ek onder hulle geheilig word in die oë van die nasies.+ En hulle sal in hulle land woon+ wat ek aan my kneg Jakob gegee het.+ 26 Hulle sal in veiligheid daarin woon+ en huise bou en wingerde plant,+ en hulle sal in veiligheid woon wanneer ek almal rondom hulle wat hulle sonder respek behandel, oordeel en straf,+ en hulle sal moet weet dat ek Jehovah hulle God is.”’”