’n Geleentheid wat jy nie moet mis nie

“Doen dit tot my gedagtenis.” Dit is die woorde van ons Heer Jesus Christus, soos opgeteken in Lukas 22:19, toe hy die herdenking van sy dood ingestel het. Dit is Jesus se dood wat die vooruitsig op die ewige lewe in Paradystoestande vir die mens moontlik gemaak het. Sy dood is dus iets wat ons moet onthou. Sal jy dit hierdie jaar herdenk?

Aanvaar asseblief hierdie uitnodiging van Jehovah se Getuies om hierdie belangrike gebeurtenis saam met hulle te herdenk. Hierdie viering sal plaasvind ná sononder op die dag wat met 14 Nisan op die Bybel se maankalender ooreenstem. Maak ’n aantekening van die datum op jou kalender sodat jy dit nie sal vergeet nie. Dit is Saterdag, 30 Maart 1991. Die persoon wat jou hierdie uitnodiging gee, kan jou nadere besonderhede oor die vergaderplek en -tyd gee.