Geheimsinnige ligte—Waar kom hulle vandaan?

NOORDER- en suiderligte, of auroras, verbaas steeds mense wat naby die geomagnetiese Noord- en Suidpool woon. Daar word nou geglo dat kolomme gesmelte metaal binne die aarde styg en daal en inmekaargevleg word terwyl die aarde draai. Dit veroorsaak elektriese strome wat magneetvelde ongeveer regoor die as van die wentelende aarde laat ontstaan. Vanweë hierdie magneetvelde veroorsaak deeltjies uitstraling, wat die aarde vanaf die son bereik, ’n sigbare effek. Maar die effek is selfs duideliker wanneer groter hoeveelhede deeltjies die aarde bereik vanweë groot sonvlamme wat met sonvlekke verband hou. Baie deeltjies word deur die aarde se magneetveld vasgekeer. Atome in ons atmosfeer, wat in gebiede om hierdie magnetiese pole voorkom, word bekrag en bring sigbare lig in verskeie kleure voort. Die kleure word voortgebring wanneer suurstof- en stikstofatome deur hierdie energie van die son bekrag word en sigbare lig in die golflengtes van rooi/groen/pers veroorsaak. Die meeste auroras is groen met rooi en pers gedeeltes. In die noordelike dele van die aarde staan hierdie ligte bekend as aurora borealis (Latyn, noorderdagbreek), terwyl hulle in die suidelike dele aurora australis (suiderdagbreek) genoem word.

“Die hemele vertel die eer van God”, sê die eertydse psalmis (Psalm 19:2). As jy meer oor die Skepper van die hemele wil weet, kan jy gerus met Jehovah se Getuies in jou omgewing in aanraking kom of aan die uitgewers van hierdie tydskrif skryf.—Sien bladsy 5.

[Foto-erkenning op bladsy 32]

NASA photo