Is daar nog eksemplare beskikbaar?

“VROEG in November”, skryf ’n vrou van Michigan, VSA, “het ek en my skoonma fotokopieerwerk in ’n drukkery in Grand Rapids gedoen toe ek ’n vrou opmerk wat besig was om baie materiaal oor chroniese moegheidsindroom (CMS) te fotokopieer. Ek het gevra of sy al ooit die geleentheid gehad het om die artikel in die Ontwaak! oor CMS te lees.

“‘Nee. Ek het daarvan gehoor, maar het nooit ’n eksemplaar ontvang nie’, het sy geantwoord.

“Ek het gevra of sy graag een sal wil hê.

“‘Kan jy vir my een in die hande kry?’ het sy gevra.

“Ek het verduidelik dat ek een van Jehovah se Getuies is en toevallig ’n paar ekstra eksemplare van daardie nommer het. Wel, sy het my haar adres gegee en ek het later die eksemplare vir haar gepos. Ek het haar gevra of sy asseblief vir my sal terugskryf sodat ek kon weet wat sy van die artikel gedink het.”

’n Paar dae later het die vrou geskryf: “Baie dankie. Die artikel wat jy gestuur het, is wonderlik. Dit is goed nagevors en goed geskryf. . . . Is dit dalk moontlik om ongeveer 1000 van hulle te kry? Ek sal daarvoor betaal en sal graag die inligting met almal wil deel.”

Toe die vrou uitvind dat mense geldelik tot die wêreldwye predikingsbedrywighede van Jehovah se Getuies kan bydra, het sy ’n tjek aan die Wagtoring- Bybel- & Traktaatgenootskap uitgemaak. Sy het gesê dat sy die tydskrifte onder 17 verskillende ondersteuningsgroepe oor die hele Michigan gaan versprei.

Die Ontwaak! toon nie net aan lesers hoe hulle hedendaagse probleme die hoof kan bied nie. Dit bou ook vertroue op in die Skepper se belofte van ’n vreedsame en veilige nuwe wêreld.

As jy graag meer inligting of ’n gratis tuisbybelstudie wil hê, kan jy gerus skryf aan Wagtoring, Privaatsak X2067, Krugersdorp, 1740 of na die gepaste adres op bladsy 5.

[Prent op bladsy 32]

Awake!

Chronic Fatigue Syndrome How to Deal With It