Hulle wou ’n persoonlike eksemplaar hê

EEN van Jehovah se Getuies wat by die Milanese Linate-lughawe in Italië werk, het die boek Die grootste mens wat nog geleef het saam met hom werk toe geneem. Etlike van sy kollegas het gesê dat hulle graag ’n persoonlike eksemplaar van hierdie publikasie oor Jesus Christus se lewe wil hê. ’n Paar dae later, terwyl die Getuie die gevraagde boeke afgelewer het, het een van sy werkmaats vir hom gesê dat werknemers by verskeie lugrederye gesê het dat hulle ook graag die boek sal wil hê. Die Getuie het dus vir hom gevra om ’n lys te maak van almal wat dit graag wil hê. ’n Paar dae later is die lys aan hom gegee.

Die aantal boeke wat bestel is, was nie onmiddellik beskikbaar nie, maar die Getuie het dit twee weke later gekry. Hy en ’n ander Getuie het almal besoek wat op die lys was, en altesaam 461 boeke is afgelewer! Terwyl hulle dit afgelewer het, het hulle gereël dat 13 persone deur Getuies wat daar naby woon, besoek sal word om ’n tuisbybelstudie met hulle te begin.

As jy graag ’n eksemplaar van hierdie hardebandboek met 448 bladsye wil ontvang of ’n gratis tuisbybelstudie wil hê, kan jy gerus skryf aan Wagtoring, Privaatsak X2067, Krugersdorp, 1740 of na die gepaste adres op bladsy 5.