Maak jou gesinslewe gelukkig

TOE ’n pasiënt in Suid-Carolina, VSA, die traktaat Put genot uit jou gesinslewe aan een van haar verpleegsters gestuur het, het die verpleegster haar gebel om haar daarvoor te bedank. Die verpleegster het gesê dat sy die traktaat vir haar man gewys het en dat hulle dit met waardering saam gelees het. Trouens, die verpleegster het gesê dat hulle nie gedink het dat daar iets so positiefs beskikbaar was om gesinne te help nie.

Die pasiënt het verduidelik: “Die verpleegster het gesê dat die inligting presies is wat sy en haar man in verband met ideale en positiewe dinge in die gesin bespreek het, maar hulle het glad nie geweet dat daar iets in gedrukte vorm oor die onderwerp beskikbaar was nie. Sy het die telefoongesprek afgesluit deur te sê dat sy die traktaatjie oral met haar saamneem en dit keer op keer lees. Sy het gesê dat ek asseblief enige ander inligting wat ek miskien oor die gesinslewe het vir haar moet wys.”

Die pasiënt het die boek Hoe om ’n gelukkige gesinslewe op te bou aan die verpleegster gestuur en gereël om haar te besoek sodat hulle dit kon bespreek. Miskien sal jy dit ook waardeer om inligting te ontvang wat jou sal help om jou gesinslewe gelukkiger te maak. As jy graag ’n eksemplaar van die traktaat Put genot uit jou gesinslewe en die boek Hoe om ’n gelukkige gesinslewe op te bou wil ontvang of ’n gratis tuisbybelstudie wil hê, kan jy gerus skryf aan Wagtoring, Privaatsak X2067, Krugersdorp, 1740 of na die gepaste adres op bladsy 5.