Haar geloof is versterk

’n Vrou in die staat New York het oor die brosjure met 32 bladsye, Will There Ever Be a World Without War?, geskryf: “Ek het gevoel ek moet eenvoudig vir julle skryf om te sê hoeveel ek dit waardeer en geniet het. Hoewel ek nie ’n Jood is nie en grootgemaak is deur ’n moeder wat een van Jehovah se Getuies is, het geen publikasie nog ooit so ’n groot uitwerking op my gehad nie!

“Ek was eers huiwerig om dit te lees, want ek het gedink dat dit moeilik sou wees om te verstaan, aangesien dit spesiaal vir die Jode geskryf is. Ek was verkeerd. Alles is op so ’n duidelike en logiese manier aangebied.”

In die geskiedenis het sekere volke werklik baie gely. Dit was die geval met die Jode, veral gedurende die Slagting van die vorige eeu. Ons nooi jou om die brosjure Will There Ever Be a World Without War? te lees. Dit bespreek onderwerpe soos: “Waarom laat God goddeloosheid toe?” “Wat beteken dit om die ware God te leer ken?” en “Wie sal die nasies na vrede lei?”

Jy kan hierdie brosjure aanvra deur die bygaande koepon in te vul en na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die brosjure Will There Ever Be a World Without War? by my af.

□ Tree asseblief met my in verbinding in verband met ’n gratis tuisbybelstudie.