’n Gelukkige gesinslewe is moontlik!

’N VROU van die stad Maladzjetsjna, in Belaroes, het na die takkantoor van Jehovah se Getuies in Rusland geskryf. Sy het verduidelik dat sy ’n man en twee kinders het. Sy het geskryf: “Ek en my man is lief vir mekaar. Maar ek het opgelet dat ons al hoe meer geïrriteerd geraak en geargumenteer het hoe langer ons saamgelewe het, blykbaar sonder enige rede. ’n Paar maande gelede het ’n vreemdeling my op die straat voorgekeer en vir my die traktaat Put genot uit jou gesinslewe gegee. Eers het die pragtige prent van ’n gelukkige gesin my aandag getrek. Later het ek die traktaat gelees en dit vir my man gegee om te lees.

“Dit is asof ’n wonderwerk plaasgevind het—ons gesinslewe het nie net verbeter nie, maar ek sou sê dit het tot in sy wese verander. Ons verstaan nou dat dit nie so moeilik is om gelukkig te wees nie. Al wat nodig is, is om opreg hartlik te wees en van jouself te gee. ’n Mens moet volgens God se gebooie lewe en God sowel as mense liefhê, wat jou gesin en vreemdelinge insluit.”

Sy het afgesluit: “Die lewe is nou minder gekompliseerd en gelukkiger. Ons wil aanhou om die Bybel te bestudeer en ons kinders te leer.”

Ons is vol vertroue dat jy ook by die traktaat Put genot uit jou gesinslewe kan baat vind. Ons sal met graagte ook die boek met 192 bladsye Die geheim van gesinsgeluk insluit. Jy kan hierdie traktaat en boek aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die traktaat Put genot uit jou gesinslewe en die boek Die geheim van gesinsgeluk by my af.

□ Tree asseblief met my in verbinding in verband met ’n gratis tuisbybelstudie.