“Dit het in goeie hande geval!”

Patricia het ’n aktetas gevind wat in ’n regeringskantoor in die stad Cuernavaca, Mexiko, vergeet is. Sy het dit oopgemaak en gesien dat daar etlike kredietkaarte, ’n paar getekende blanko tjeks en die identiteitskaart van ’n argitek daarin is. Toe sy by die huis kom, het sy dadelik die man geskakel en gesê dat sy sy aktetas gevind het. Hy was oorweldig en het uitgeroep: “Dankie vader dit het in goeie hande geval!”

Toe die bejaarde argitek sy aktetas by Patricia se huis gaan haal, het hy vir haar gesê dat sy ’n engel is, iemand wat deur God gestuur is. Patricia het gesê dat sy een van Jehovah se Getuies is en het verduidelik: “Ek dien die ware God, Jehovah, en is deur hom geleer. Daarom het ek so opgetree. Hy moet dus al die lof ontvang.” Toe die argitek Patricia ’n beloning aanbied, het sy dit van die hand gewys. Sy het eerder vir hom Bybellektuur aangebied en gesê sy sal verkies dat hy dit lees en daarby baat vind.

Soos baie van Jehovah se Getuies het Patricia die boek Kennis wat tot die ewige lewe lei bestudeer. Een van die 19 hoofstukke daarin is “Waarom ’n godvrugtige lewenswyse geluk meebring”. Patricia het uitgevind hoe waar die onderhofie “Eerlikheid lei tot geluk” is.

Jy kan hierdie boek met 192 bladsye aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die boek Kennis wat tot die ewige lewe lei by my af.

□ Tree asseblief met my in verbinding in verband met ’n gratis tuisbybelstudie.