“Dit is regtig wonderlik!”

◼ ’n Aardrykskunde-onderwyser in Brasilië was gefassineer deur die opvoedkundige waarde van die Ontwaak! Hy het geskryf: “Die tydskrif bied my meer onderrigmateriaal as baie publikasies wat bedoel is vir die klaskamer. Hoewel ek ’n ander godsdiensoortuiging het, stem ek heeltemal saam met die waardes wat die Ontwaak! oordra.”

Hierdie onderwyser het egter besef dat die Ontwaak! net een van baie publikasies is wat deur Jehovah se Getuies uitgegee word. Hy het geskryf: “’n Graadsesleerling het die brosjure ‘Sien die goeie land’ vir my geleen. Die gehalte van die inligting het my verbaas. Dit is regtig wonderlik! Die vermoë om gebeurtenisse in die Bybel te visualiseer en te sien waar dit plaasgevind het, maak Bybelstudie betekenisvoller, veral vir jongmense.”

Hy het verder gesê: “Julle publikasies is oral: op die bus, onder die studente en selfs in die bank waar mense toustaan. Ek is bly om te sien dat dit behoeftige gemeenskappe bereik waar dit moeilik is om toegang tot goeie inligting te kry. Veels geluk met julle wonderlike werk.”

‘Sien die goeie land’ is beskikbaar in omtrent 80 tale. Dit bevat talle volkleurkaarte en -foto’s wat verskillende gebiede van die wêreld in Bybeltye uitbeeld, veral die Beloofde Land gedurende verskillende tydperke. Jy kan hierdie brosjure met 36 bladsye aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief die brosjure ‘Sien die goeie land’ by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.

[Foto-erkenning op bladsy 32]

Buiteblad van brosjure: Pictorial Archive (Near Eastern History) Est.