Wil jy God se vriend wees?

● Hoe sal jy die vraag hierbo beantwoord? ’n Jong meisie in ’n afgesonderde streek van die staat Guerrero, Mexiko, het nie gedink dat dit moontlik is nie. Twee meisies wat Jehovah se Getuies is, het die brosjure Jy kán God se vriend wees! in haar moedertaal vir haar gewys. Sy was verbaas dat dit in Tlapaneeks beskikbaar is, aangesien sy nog net staatspublikasies in haar taal gesien het.

Die twee meisies het verduidelik dat hierdie einste publikasie ’n bewys is van die Skepper se liefde vir haar, aangesien sy hom daardeur kan leer ken. Sy het die eerste les, met die titel “God nooi jou om sy vriend te word” gretig begin lees. Toe sy klaar was, het sy gesê: “Ek wil God se vriend wees. Kan julle vir my ’n Bybel kry?” Toe die Getuies met ’n Bybel terugkeer, het die meisie se ma hulle gevra om te bly en hulle meer te leer.

Tlapaneeks is net een van die 17 Indiaanse tale in Mexiko waarin die brosjure Jy kán God se vriend wees! gedruk word. Wêreldwyd is dit beskikbaar in 278 tale (waaronder braille). As jy graag ’n eksemplaar wil hê, kan jy een aanvra deur die bygaande koepon in te vul en dit na die adres op die koepon of na die gepaste adres op bladsy 5 van hierdie tydskrif te pos.

□ Lewer asseblief hierdie brosjure by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.