“Ek weet nou dat God ’n liefdevolle Vader is”

● ’n Negentienjarige meisie wat in die suide van die Verenigde State woon, het geskryf: “Ek het grootgeword in ’n gesin wat gereeld kerk toe gegaan het, en ek aanvaar Christus as my persoonlike Saligmaker. En tog het ek jare lank gevrees dat God my sou verdoem tot ’n verskriklike, brandende hel. Toe het ek julle boek Wat leer die Bybel werklik? begin lees.

“Ná net ’n paar hoofstukke was ek baie verlig. Dit het gevoel asof ’n berg van my skouers afgelig is. Ek besef nou dat Jehovah ’n liefdevolle, goedhartige en barmhartige God is. Hy wil graag hê dat ek ’n verhouding met hom moet aanknoop wat nie op ’n morbiede vrees vir hom gebaseer is nie. Ek is van plan om hierdie Sondag na die Koninkryksaal van Jehovah se Getuies te gaan! Ek sien baie daarna uit. Ek weet nou dat God ’n liefdevolle Vader is en dat hy nie ’n brandende hel geskep het nie. Baie dankie.”

Die Leer Bybel-boek bespreek ook ander belangrike onderwerpe. Dit sluit die toestand van die dooies in, die opstandingshoop, hoe om gesinslewe te verbeter, wie God en Jesus Christus is en waarom God lyding toelaat. Jy kan hierdie boek aanvra deur die bygaande koepon in te vul en dit te pos na die gepaste adres op bladsy 5 van hierdie tydskrif.

□ Lewer asseblief hierdie boek by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.