Hulle waardeer God se liefde

● Jesus het ons geleer om God se liefde te waardeer. Hy het gesê: “God het die wêreld so liefgehad dat hy sy enigverwekte Seun [Jesus] gegee het, sodat elkeen wat geloof in hom beoefen, nie vernietig sal word nie maar die ewige lewe kan hê” (Johannes 3:16). God se liefde vir ons en die opwindende vooruitsig wat ons het omdat hy sy Seun as gawe gegee het, word beklemtoon in die boek Kom nader aan Jehovah.

’n Vrou in Florida, VSA, het geskryf: “Nadat ek hoofstuk 5 gelees het, kon ek nie anders as om my te verwonder oor Jehovah se liefde, wysheid en ontsagwekkende krag nie. Toe ek oor sy skeppingswerke nagedink het, het dit my hart met nog groter liefde vir hom gevul.” ’n Vrou van Suid-Dakota, VSA, het vertel: “Dit was meer as 30 jaar lank vir my moeilik om vir ander te wys dat ek hulle liefhet (of om te voel dat ander my liefhet). Hierdie boek help my meer as wat enige ander boek my al gehelp het.”

Die boek Kom nader aan Jehovah het 320 bladsye en bespreek God se vernaamste eienskappe, naamlik krag, geregtigheid, wysheid en liefde. Jy kan hierdie boek aanvra deur die bygaande koepon in te vul en dit te pos na die gepaste adres op bladsy 5 van hierdie tydskrif.

□ Lewer asseblief hierdie boek by my af, sonder enige verpligting.

□ Tree asseblief met my in verbinding in verband met ’n gratis tuisbybelstudie.