’n Dankgebed

1. Vader Jehovah, almagtige Heer,

Groot Soewerein, voor u buig ons ons neer.

U is die Hoorder van vrome gebed;

Met tere sorg sal u op ons bly let.

Ons gaan nog steeds onder sonde gebuk;

Skenk ons vergifnis, verlig só die juk.

U Seun se bloed het ons vryheid gekoop;

Nou is ons lewe vol vreugde en hoop.

2. Salig is dié wat u uitnooi en rig

Na u groot voorhof van waarheid en lig.

Leer ons u weë; u Woord sal ons lei.

Hier in u tempel wil ons altyd bly.

Hoe ontsagwekkend is u grote krag,

Hou ons standvastig tot die laaste dag.

God van ons redding, die nuus van u Ryk

Sal ons verkondig— dis sonder gelyk.

3. O, mag u liefde by ons vreugde wek;

Mag u aanbidding die aarde oordek.

Danksy u goedheid verrys daar ’n Ryk

Wat siekte, hartseer en dood sal laat wyk.

Jesus vernietig die wêreld so boos;

Dan heers daar vrede en rus eindeloos.

Juig triomfantlik, roep uit, groot en klein:

“Loof Jah Jehovah, ons Groot Soewerein!”