Waar die duiwel vandaan kom

“My pligte is hoofsaaklik om die kinders in hulle sitplekgordels te hou en om toe te sien dat hulle stil is”, verduidelik ’n jong vrou in Suid-Dakota wat deeltyds as ’n toesighouer op ’n skoolbus werk. Sy vertel:

“Een van die seuntjies gee my veral opdraande. Hy’s nog maar net ses jaar oud, maar sy mond kan soms ’n matroos laat bloos. Ek moes al fisies spook om hom in sy sitplek terug te kry en met my hand oor sy mond sit om hom stil te hou. Hy het al geskop, gekrap, geknyp, gevloek en geskreeu. Op ’n moeilike dag moet ek op hom sit om hom in sy sitplek te hou.

“Vrydag was ’n moeilike dag, en toe byna my hele liggaam al lam was, het hy gevra: ‘Hoekom het God die duiwel gemaak?’ Daar was ’n eksemplaar van My boek met Bybelverhale op die bus. Ek het vir hom gesê dat hierdie boek hom sal help om te sien waar die Duiwel vandaan kom. Kan jy nou meer! Ons het al 41 verhale saam deurgelees. Ek het al amper moed verloor met hierdie knapie, maar sy gesindheid het so verander dat hy nie van die bus wil afklim wanneer ons by die skool kom nie. Hy wil nog verhale lees!”

’n Studie van hierdie merkwaardige publikasie het soortgelyke resultate met talle ander kinders opgelewer. Jy kan ’n eksemplaar van hierdie pragtig geïllustreerde publikasie in groot druk, met 256 bladsye, ontvang deur die bygaande koepon in te vul en saam met R7,50 te pos.

Stuur asseblief die hardebandboek

My boek met Bybelverhale posvry aan my. Ek sluit R7,50 in.