“My besoek aan die Koninkryksaal”

Laura,a ’n kollegestudent, het die taak gekry om ’n kerkdiens by te woon en ’n verslag oor haar ondervinding te skryf. Sy het Jehovah se Getuies gekies, en die titel van haar opstel was: “My besoek aan die Koninkryksaal.” Wat was vir Laura anders omtrent die Getuies? Hier volg ’n paar van die baie dinge wat sy gemeld het.

Kinders: “Al die kinders was in dieselfde vertrek as die volwassenes. In al die kerke waar ek al dienste bygewoon het, gaan die kinders sonder hulle ouers Sondagskool toe.”

Rasseharmonie: “Kerke trek gewoonlik lede van ’n sekere ras of etniese groep. . . . Maar Jehovah se Getuies het almal saam gesit en nie in sekere groepies nie.”

’n Hartlike gees: “Baie mense het met my kom praat. . . . Party het my selfs gevra of iemand die Bybel met my studeer. Tog het ek nie gevoel dat hulle druk op my uitoefen nie. Hulle . . . het die besluit aan my oorgelaat.”

Geen kollektes nie: “Iets waaroor ek werklik verbaas was, was die feit dat niemand kollektes opgeneem het nie. . . . Die kerke waarheen ek al was, het selfs in die kinders se klasse kollektes opgeneem.”

Daar is bykans 90 000 gemeentes van Jehovah se Getuies regoor die wêreld. Besoek gerus die een naaste aan jou.

[Voetnoot]