Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w02 1/1 bl. 32
  • Hendrik VIII en die Bybel

Video nie beskikbaar nie.

Jammer, die video kon nie laai nie.

  • Hendrik VIII en die Bybel
  • Die Wagtoring kondig Jehovah se Koninkryk aan—2002
Die Wagtoring kondig Jehovah se Koninkryk aan—2002
w02 1/1 bl. 32

Hendrik VIII en die Bybel

WINSTON CHURCHILL het in sy boek History of the English-Speaking Peoples (Deel 2) geskryf: “Op die gebied van godsdiensoortuiging het die Hervorming groot veranderinge teweeggebring. Die Bybel het nou nuwe en verreikende gesag verkry. Die ouer geslag het gedink dat die Heilige Skrif iets gevaarliks in die hande van ongeletterdes is en dat dit slegs deur priesters gelees moet word.”

Die verslag sê voorts: “Volledig gedrukte Bybels, wat deur Tyndale en Coverdale in Engels vertaal is, het laat in die herfs van 1535 vir die eerste keer verskyn, en op dié stadium was verskeie uitgawes al beskikbaar. Die regering het die geestelikes beveel om Bybellees aan te moedig.” Ná eeue van ongeletterdheid wat die Bybel betref, sou Engeland geletterd word, en dit danksy Hendrik VIII se regering eerder as die kerk.a

“Die ouer garde is ’n verdere slag toegedien toe die regering gelas het dat ’n groot hoeveelheid Engelse Bybels, luukser as enige vorige uitgawe, in Parys gedruk word, asook toe hulle in September 1538 opdrag gegee het dat elke gemeente in die land ’n Engelse Bybel in die grootste uitgawe bekom en in elke kerk plaas waar gemeentelede dit met die grootste gerief sou kon gebruik en lees. Ses Bybels is in die St. Paulus-katedraal, in die stad Londen, geplaas, en groot getalle mense het heeldag na die katedraal gestroom om dit te lees, veral, word ons vertel, as hulle iemand met ’n sterk stem kon kry om dit voor te lees.”

In heelwat lande is daar ongelukkig baie wat nie van hulle voorreg gebruik maak om die Bybel gereeld te lees nie. Dit is baie kommerwekkend, want slegs die Bybel “is deur God geïnspireer en is nuttig om te onderrig, om tereg te wys, om dinge reg te stel, om in regverdigheid te dissiplineer”.—2 Timoteus 3:16.

[Voetnoot]

a Koning Hendrik VIII het van 1509 tot 1547 oor Engeland regeer.

[Foto-erkenning op bladsy 32]

Hendrik VIII: Painting in the Royal Gallery at Kensington, from the book The History of Protestantism (Vol. I)

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel