Waarom hou Jehovah se Getuies aan om jou te besoek?

Die volharding waarmee Jehovah se Getuies hulle huis-tot-huis-bediening uitvoer, is wêreldwyd goed bekend. Sommige mense wonder waarom die Getuies aanhou om hulle te besoek, veral as hulle vantevore nie veel belangstelling in die Getuies se boodskap getoon het nie. Twee briewe uit Rusland help om dit te verduidelik.

“Om eerlik te wees”, erken Masha, ’n 19-jarige meisie in Khabarofsk, “ek het in die verlede Jehovah se Getuies soos die pes vermy.” Maar nadat sy ’n paar nommers van die tydskrifte gelees het wat deur die Getuies gepubliseer word, het sy haar gesindheid verander. “Alles is so interessant en insiggewend”, skryf Masha, “maar bowenal laat dit jou met nuwe oë na die wêreld kyk. Ek het stadigaan begin besef waarom mense die lewe ontvang het.”

Van die stad Oessoerisk, ongeveer 80 kilometer noord van Wladiwostok, het Svetlana geskryf: “Ek het maar onlangs Die Wagtoring en Ontwaak! begin lees. Hierdie tydskrifte is dringend nodig in ons tyd. Ek geniet al die artikels. Dit is baie interessant, leersaam en insiggewend. Dankie! Dankie dat julle in hierdie wêreld is en dat julle so ’n liefdevolle en noodsaaklike werk doen.”

Jehovah se Getuies in alle wêrelddele neem die apostel Paulus se gedagteprikkelende vraag ernstig op: “Hoe sal [mense] hoor sonder dat iemand preek?” (Romeine 10:​14). Staan gerus ’n paar minute af om na die Getuies te luister wanneer hulle jou weer besoek. Dalk sal jy ook die vertroostende boodskap geniet wat in God se Woord, die Bybel, gevind word.