Spesiale openbare Toespraak

Wie is bevoeg om oor die mensdom te heers?

Watter heerser kan

• ekonomiese probleme oplos en ’n oorvloed kos en goeie behuising vir alle mense waarborg?

• natuurrampe voorkom en mense die verwoesting spaar wat deur tsoenami’s, orkane of aardbewings veroorsaak word?

• alle siektes uit die weg ruim en selfs bejaardes weer jonk laat word?

• ’n einde maak aan alle oorloë en sy onderdane in vrede en veiligheid laat woon?

• die aarde se ekologie tot sy volmaakte balans herstel en die aarde in ’n paradys omskep?

Daar is slegs een Heerser wat al hierdie seëninge kan teweegbring. Wie is hierdie Heerser? Daardie vraag sal beantwoord word in die openbare toespraak “Wie is bevoeg om oor die mensdom te heers?” Hierdie Bybeltoespraak sal wêreldwyd in meer as 230 lande gehou word. Op die meeste plekke sal dit Sondag 6 April 2008 gehou word by die plaaslike Koninkryksaal van Jehovah se Getuies. Die Getuies in jou omgewing sal met graagte vir jou sê wanneer en waar dit gehou sal word. Jy word hartlik uitgenooi om dit by te woon.