Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • wp17 nr. 5 bl. 4-5
  • Die waarheid omtrent engele

Video nie beskikbaar nie.

Jammer, die video kon nie laai nie.

  • Die waarheid omtrent engele
  • Die Wagtoring kondig Jehovah se Koninkryk aan (Publieke uitgawe)—2017
  • Soortgelyke materiaal
  • Wie of wat is engele?
    Antwoorde op Bybelvrae
  • Die engele—“Geeste vir openbare diens”
    Die Wagtoring kondig Jehovah se Koninkryk aan—2009
  • Engele—Hulle invloed op ons
    ie Wagtoring kondig Jehovah se Koninkryk aan—2006
  • Engele—Beïnvloed hulle jou lewe?
    Die Wagtoring kondig Jehovah se Koninkryk aan—1987
Sien nog
Die Wagtoring kondig Jehovah se Koninkryk aan (Publieke uitgawe)—2017
wp17 nr. 5 bl. 4-5
Die aartsengel en miljoene ander engele

VOORBLADONDERWERP | ENGELE—BESTAAN HULLE REGTIG? WAAROM DIT SAAK MAAK

Die waarheid omtrent engele

Wil jy graag weet wat die waarheid is omtrent engele—wie hulle is, waar hulle vandaan kom en wat hulle doen? Die beste plek om antwoorde te kry, is in God se geïnspireerde Woord, die Bybel (2 Timoteus 3:16). Wat sê die Bybel vir ons?

  • Net soos God ’n Gees is, is engele ook onsigbare geeste wat “nie vlees en bene” het nie. Die getroue engele woon in die hemel en het direkte toegang tot God se hemelse teenwoordigheid.—Lukas 24:39; Matteus 18:10; Johannes 4:24.   

  • Engele het al in menslike vorm verskyn om opdragte van God op die aarde uit te voer, en daarna het hulle weer as geespersone teruggekeer hemel toe.—Rigters 6:11-23; 13:15-20.

  • Hoewel engele in die Bybel as manlik voorgestel word en nog altyd manlike liggame aangeneem het, is hulle nie manlik of vroulik nie. Hulle trou nie en kan nie kinders hê nie. Engele het nie eers as mense op die aarde gelewe—as baba’s, kinders of grootmense—en toe hemel toe gegaan nadat hulle gesterf het nie. Jehovah het engele geskep, en daarom noem die Bybel hulle “seuns van die ware God”.—Job 1:6; Psalm 148:2, 5.

  • Die Bybel praat van “die tale van mense en van engele”, wat wys dat geespersone ’n taal het en kan kommunikeer. Hoewel God engele gebruik het om met mense te kommunikeer, laat hy ons nie toe om engele te aanbid of tot hulle te bid nie.—1 Korintiërs 13:1; Openbaring 22:8, 9.

  • Daar is tienduisende maal tienduisende engele, dalk selfs miljarde.a—Daniël 7:10; Openbaring 5:11.

  • Engele is “magtig in krag”. Hulle is baie sterker as mense en het bomenslike intelligensie. Hulle kan blykbaar vinniger beweeg as enigiets op die aarde, en hulle word nie deur natuurwette beperk nie.—Psalm 103:20; Daniël 9:20-23.

  • Hoewel engele baie intelligenter en sterker as mense is, het hulle wel beperkings. Daar is ook dinge wat hulle nie weet nie.—Matteus 24:36; 1 Petrus 1:12.

  • Engele is geskep met persoonlikhede, goddelike eienskappe en wilsvryheid. Daarom kan hulle, soos mense, kies om te doen wat reg of verkeerd is. Ongelukkig het party engele gekies om teen God in opstand te kom.—Judas 6.

a Tienduisend maal tienduisend is 100 miljoen. Maar in Openbaring praat dit van “tienduisende van tienduisende” engele. Dit is honderde miljoene, dalk miljarde, geespersone!

Hoe is God se engele georganiseer?

Die aartsengel, Migael, is die hoofengel, en daarom het hy die meeste mag en gesag. Die Bybel wys duidelik dat Migael ’n ander naam is vir Jesus Christus.—1 Tessalonisense 4:16; Judas 9.

Serafs is engele wat ’n baie hoë posisie het en wat groot voorregte en eer geniet. Hulle dien rondom God se troon.—Jesaja 6:1-3.

Gerubs het ook ’n hoë posisie en het spesiale verantwoordelikhede wat direk verband hou met die Almagtige se heerlikheid. Hulle word dikwels uitgebeeld as engele wat in God se teenwoordigheid is en diens aan hom verrig.—Genesis 3:24; Esegiël 9:3; 11:22.

Die ander engele-boodskappers dien as die Allerhoogste se verteenwoordigers en voer sy goddelike wil uit.b—Hebreërs 1:7, 14.

b Vir meer inligting oor engele sien hoofstuk 10 van die boek Wat leer die Bybel werklik? sowel as die artikel in die aanhangsel “Wie is Migael, die aartsengel?” uitgegee deur Jehovah se Getuies. Ook beskikbaar by www.pr2711.com/af.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel