Aankondigings

• Lektuuraanbod vir Januarie en Februarie: Enige twee van die ouer sakformaatboeke wat die gemeente in voorraad het teen ’n bydrae van R1,00 elk. Kan “Ewige voorneme”, Woord van God, Goeie nuus, Vrede en veiligheid (ou uitgawe), Hierdie lewe en Waarheid insluit. (Gemeentes kan hierdie boeke van die Genootskap bestel, behalwe Vrede en veiligheid(ou uitgawe) en “Ewige Voorneme”.) (Engels: Commentary on James, “Eternal Purpose”, Evolution [ou uitgawe], Good News, Holy Spirit, Peace and Security [ou uitgawe], This Life en World Government. Slegs Commentary on James kan van die Genootskap bestel word. As gemeente nie een van die ander boeke in voorraad het nie, kan “Kingdom Come” bestel word en teen die gewone bydrae van R2,00 versprei word.) Maart: Lewe​—Hoe het dit hier gekom? Deur evolusie of deur die skepping? teen ’n bydrae van R5,00. Die klein uitgawe is R2,50. April: Die Wagtoring-intekening.

• Die spesiale, openbare toespraak vir die 1988-Gedenkmaalseisoen sal wêreldwyd op Sondag, 10 April 1988, gehou word. Die onderwerp van hierdie toespraak sal wees: “Waarom volgens Bybelstandaarde lewe?” ’n Skets sal binnekort voorsien word. Gemeentes wat gedurende daardie week die besoek van die kringopsiener, ’n kringbyeenkoms of ’n spesiale byeenkomsdag op ’n Sondag het, sal die spesiale toespraak die daaropvolgende week hê. Geen gemeente moet die spesiale toespraak voor 10 April hê nie.

• Die presiderende opsiener moet reël dat mediese instruksie- en identiteitskaarte aan die begin van die Diensvergadering vir die week van 17 Januarie uitgedeel word. Broer wat aankondigings doen, kan broers kortliks herinner aan hoe die kaart gebruik word, soos uiteengesit in die brief gedateer 15 Desember 1987. Broers word aangemoedig om kaarte dadelik in te vul en seker te maak dat hulle behoorlik geteken en die regte datum het.

• Nuwe publikasies beskikbaar:

Die regering wat die paradys gaan bring ​—Kalanga, Ndonga, Tamil

“Kyk, Ek maak alles nuut” (Brosjure) ​—Japannees, Kwanyama