Aankondigings

• Lektuuraanbod vir November: Hoe om ’n gelukkige gesinslewe op te bou en Onsigbare geeste—Help hulle ons? Of benadeel hulle ons? teen ’n bydrae van R2,90. (Engels: New World Translation of the Holy Scriptures en die brosjure “Look! I Am Making All Things New” teen R10,75.) Desember: My boek met Bybelverhale teen ’n bydrae van R7,50. Januarie en Februarie: Enige sakformaatboek wat voor 1980 gedruk is en wat die gemeente in voorraad het teen ’n verminderde bydrae van R1,00. As die gemeente geen voorraad van die boeke het wat teen die verminderde bydrae aangebied moet word nie, kan die volgende boeke bestel word: Die waarheid wat lei tot die ewige lewe, God se “ewige voorneme” seëvier nou ten goede van die mens en Heilige gees—die krag agter die komende nuwe orde! teen ’n bydrae van R1,00 elk. Vir krediet op boeke teen verminderde bydrae moet ouere manne riglyne in Ons Koninkryksbediening vir Januarie 1989 raadpleeg. (Engels: Survival Into a New Earth teen ’n bydrae van R2,50.)

• Ondersoek die Skrifelke dag—1990: Verkondigers en pioniers moet asseblief hulle boekies Ondersoek die Skrif deur die gemeente bestel. Gemeentes moet nou bestellings vir hierdie boekies begin neem. Vul dan hierdie bestellings op die gewone lektuurbestelvorm (S-14) in en stuur dit op 1 November 1989, of so gou moontlik daarna, aan die Genootskap. Ondersoek die Skrif in ander tale moet onder “Other Language Publications” aangedui word, met die afsonderlike hoeveelheid vir elke taal sowel as die jaar 1990. Ondersoek die Skrif sal beskikbaar wees in Afrikaans, Duits, Engels, Frans, Grieks, Italiaans, Nederlands, Portugees, Sepedi, Suid-Sotho, Tsonga, Tswana, Xhosa en Zulu. Totdat die Ondersoek die Skrif-boekies beskikbaar is en versend word, sal dit as “Will Send Later” op gemeentefakture verskyn. Ondersoek die Skrif is ’n beheerde item en lektuurrekeninge sal met 80c elk gedebiteer word, wat die prys vir verkondigers is. Gewone en spesiale pioniers wat voor 1 Julie 1989 op die lys was, kan ’n gratis eksemplaar verkry en bykomende eksemplare teen 50c elk. Geldsendings moet die bestellings vergesel wanneer gemeentes nie ’n rekening by die Genootskap het nie of wanneer hulle lektuurrekening ’n nadelige saldo het. ’n Afsonderlike inskrywing moet op die maandelikse geldsendingvorm (S-20) gemaak word om die gratis eksemplare vir pioniers aan te dui.

• Gemeentes moet asseblief onthou om hulle rapport vir werk in die ontoegekende gebied teen die einde van Oktober in te vul en dit in te stuur sodat dit ons nie later nie as 15 November bereik. Sluit asseblief alle interessante ondervindinge in.

• Aangesien die streekbyeenkoms hierdie jaar op Vrydag, Saterdag en Sondag gehou sal word (sommige op Saterdag, Sondag en Maandag), sal die gereelde Gemeentelike Boekstudie gedurende die byeenkomsweek gehou word.

• Ons wil alle gewone pioniers in kennis stel dat daar hierdie jaar geen reëlings getref is vir die Pionierdiensskool nie. Sodra ons ’n nuwe voorraad van die Pionierdiensskoolleerboek het, sal die kringopsiener julle inlig oor reëlings om die skool by te woon. Intussen moet julle aanhou om hard in julle toewysings te werk en sodoende te kwalifiseer vir die voorreg om die Pionierdiensskool by te woon.

• Gemeentes kan nou die jaarteks vir 1990 bestel wat teen R12,00 elk in die volgende tale beskikbaar sal wees: Afrikaans, Engels, Suid-Sotho, Xhosa en Zulu. Ons sal die lektuurrekening met die bedrag debiteer. Gemeentes met nadelige saldo’s op hulle lektuurrekening moet kontant saam met hulle bestelling stuur.

• Nuwe publikasies beskikbaar:

Die regering wat die Paradys gaan bring (Brosjure)​—Herero

• Weer beskikbaar in Suid-Afrika:

Jehovah’s Witnesses and the Question of Blood​—Engels