Aankondigings

● Lektuuraanbod vir Desember: My boek met Bybelverhale teen ’n bydrae van R7,50. Januarie en Februarie: “Die nasies sal weet dat ek Jehovah is”—Hoe? en Onsigbare geeste—Help hulle ons? Of benadeel hulle ons? teen ’n bydrae van R2,40. Gemeentes kan boeke vir die spesiale aanbod by die Genootskap bestel en kan krediet vir die “Nasies”-boek aanvra wat deur verkondigers en pioniers verkry is. Slegs gedurende hierdie kampanje sal die prys 60c vir gewone en spesiale pioniers wees. Die prys vir gemeentelike verkondigers en hulppioniers is R1,00. (Engels: Happiness—How to Find It teen ’n bydrae van R2,50.) Maart: Openbaring—Sy groot klimaks is ophande! teen ’n bydrae van R7,50. Die boek Vrae wat jongmense vra—Antwoorde wat werk kan teen ’n bydrae van R3,75 as ’n alternatiewe aanbod gebruik word.

● Die Gedenkmaal van 1992 sal na sononder op Vrydag, 17 April, gehou word. Hierdie datum van die Gedenkmaalviering van 1992 word vroegtydig gegee sodat broers die nodige besprekings kan doen of kontrakte kan opstel vir beskikbare sale wanneer daar te veel gemeentes is wat die Koninkryksaal gebruik en hulle ander fasiliteite moet vind.

● Die presiderende opsiener of iemand wat deur hom aangestel is, moet die gemeenterekeninge op 1 Desember of so gou moontlik daarna ouditeer.

● Van die nommer van 1 Januarie 1991 af sal ’n maandelikse uitgawe van Die Wagtoring in Kwanyama en Ndonga gedruk word. Dit sal ’n gekombineerde tydskrif wees, met die studieartikels in Kwanyama en die ander artikels in Ndonga.

● Baie verkondigers het navraag gedoen oor waarom daar nie pryse op die advertensies in die Genootskap se tydskrifte verskyn nie. Sekere wetlike bepalinge in die Verenigde State vereis dat dit gedoen word. Maar as persone hier in Suid-Afrika enige van hierdie publikasies van die Genootskap wil hê, of as die Genootskap ’n gemeente sou vra om te reël dat iemand so ’n persoon besoek, moet die lektuur of tydskrifte teen die gewone bydrae vir hierdie land by hulle aangebied word.

● Let asseblief op dat die volgende prysveranderings onmiddellik van krag is, en pas julle Pryslys dienooreenkomstig aan:

Gem. en

Pio.Publiek

Bybel in swart tale R8,00 R9,00

Afrikaanse Bybel (Ou en Nuwe vertaling) R9,00 R10,00

● Aangesien daar ’n verskil tussen die rooster vir die Skrifgedeelte op die kalender vir 1991 en in die Rooster vir Teokratiese Bedieningskool is, vra ons die broers om die Skrifgedeelte in die Rooster vir Teokratiese Bedieningskool te volg pleks van dié op die kalender.

● Bethel het ’n gekwalifiseerde verpleegster nodig. Skryf asseblief aan die Genootskap en vra om ’n Bethelaansoekvorm.

● Nuwe publikasies beskikbaar:

Die Bybel—God se woord of die mens s’n?—Spaans