Teokratiese nuus

Ethiopië: Die Ethiopiese regering het Jehovah se Getuies amptelik as ’n geregistreerde organisasie erken. Die broers is verheug oor hierdie wetlike erkenning en maak vooruitgang in die Koninkrykswerk. Lektuur word ontvang en byeenkomste word gehou.

Ghana: Die beperking op ons werk in hierdie land is nou opgehef. Dit het die broers groot vreugde verskaf, aangesien hulle Koninkryksale weer geopen is en toestemming verleen is dat hulle aansoek kan doen vir registrasie onder die huidige wet.

Liberië: Nadat die takkantoor in Liberië baie maande lank as gevolg van burgeroorlog gesluit was, is dit weer geopen. Vier sendelinge het nou teruggekeer om by die tak te dien, en die broers is verheug om weer vryelik met mekaar te kan omgaan.